I Samuẹl 9:17 - Edo Bible (E Baibol Ẹdo) Version 1996

¹⁷ Ugbẹn vbe Samuẹl ghi bẹghe Sọl. e Nọyaẹnmwa keghi tama rẹn wẹẹ, “Ọmwa ne I kha ọna khin. Rẹn ọ re ọ ra gha khaemwisẹ yan emwa mwẹ.”

I Samuẹl 9:17 ပူးပေါင်းရင်းမြစ်များ

Nehimaia 13:19

Rhunmwuda ọnii, ọ re I na yi iyi wẹ ne a gha khui urho ne a la la ore ẹvbo vbe omuhẹn Ẹdẹ ikẹtin hia, vbe ebi a wa da suẹn gha ro, kevbe wẹ ne a ghẹ dọlegbe kie ẹre ọvbehe ọ te ya sẹ ẹghẹ ne Ẹdẹ Ikẹtin ya gberra. I keghi viọ eso vbe uwu emwa mwẹ wẹ ne iran ghẹ gia viọ emwi la ore ẹvbo vbe Ẹdẹ Ikẹtin.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

Hozia 13:11

Ohu ọ re I ya rhie ọba ne uwa, ohu nọkhua ọ re I ya miẹn uwa ẹre.

Iwinna 13:21

Ugbẹn vbe iran ghi nọ ne a ma ọba yan iran, Osanobua keghi rhie Sọl ne ovbi e Kis ne iran ke uwu ivbi Bẹnjamin rre, ne ọ gha re ọba ima vbe ukpo iyeva.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.

I Samuẹl 9:18

Ẹre Sọl na khian bu e Samuẹl gha rrie ọkpẹn onurho, ọ keghi nọ rẹn wẹẹ, “Tama mwẹ, de ehe ne ọbiro ye?”