I Samuẹl 9:16 - Edo Bible (E Baibol Ẹdo) Version 1996

¹⁶ “Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”

I Samuẹl 9:16 ပူးပေါင်းရင်းမြစ်များ

II Samuẹl 3:18

Banbanna nian, ẹkpotọ rrọọ ne uwa. Wa yerre wẹẹ Nọyaẹnmwa ta ẹe nẹ wẹẹ, ‘E Devid ne ọguọmwadia mwẹ ọ re I ra la obọ ẹre fannọ emwa mwẹ yotọ vbe obọ e Filistin kevbe obọ eghian iran ọvbehe hia.’ ”

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

Psalm 102:1

Rhie ehọ ye erhunmwu mwẹ Nọyaẹnmwa, vbe họn urhu mwẹ vbe I nọ iyobọ.

Psalm 106:44

Sokpan, ugbẹn vbe iran ghi vbe tu ladian, e Nọyaẹnmwa keghi vbe họn urhu eve iran, ọ keghi vbe mu ẹmwẹ usẹ ne iran ye roro.

Psalm 25:18

Roro usẹ kevbe oya mwẹ ne u vbe ya orukhọ mwẹ hia bọ mwẹ.

Itan 16:9

Wẹ sẹtin ru emwamwa ọwuẹ. Sokpan Osanobua ọ re ọ ta vbene u gha ru emwi hẹ.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 14:20

Ẹre irẹn vbe emwa rẹn na vẹ la okuo bu emwa e Filistin ne emwi hia zighi mu, iran na gha gu egbe iran khọn.

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 15:1

E Samuẹl keghi khama e Sọl wẹẹ, “Mẹ ọ re Nọyaẹnmwa gie ne ọ ma uwẹ ọba ivbi Izrẹl ne emwa rẹn. Banbanna nian, danmwehọ ẹmwẹ ne Nọyaẹnmwa Oghodua khare.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:3

Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”