I Samuẹl 9:1 - Edo Bible (E Baibol Ẹdo) Version 1996

¹ Okpia ọkpa kegha rre ẹwae ọghe Bẹnjamin, a keghi tie ẹre Kis, ovbi Abiẹl, eyẹ e Zẹrọ, ẹgbẹe Bakorat vbe uniẹn Afia. E Kis kegha re ọmwa ne ọmwa igho, ọ keghi vbe hin usi.

I Samuẹl 9:1 ပူးပေါင်းရင်းမြစ်များ

II Samuẹl 19:32

E Bazilai keghi re ọmwa ne ọ khian ọmaẹn ẹsẹse. Ukpo iyenẹ ọ re ọ gha ye, ọ vbe fe ẹsẹse. Ọ kegha viọ evbare gie ọba ẹghẹ ne ọ na gha rre Mahanem.

Ẹsta 2:5

Okpia ọkpa ne Ju kegha rre Susa, a keghi tie eni ẹnrẹn Modekai, ovbie e Jea, ovbi ẹwae e Bẹnjamin ọ re nọ vbe uniẹn ọghe Kis kevbe Simẹi.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Iwinna 13:21

Ugbẹn vbe iran ghi nọ ne a ma ọba yan iran, Osanobua keghi rhie Sọl ne ovbi e Kis ne iran ke uwu ivbi Bẹnjamin rre, ne ọ gha re ọba ima vbe ukpo iyeva.

I Samuẹl 10:23

Ọre iran na rhulẹ gha khian ya rhie Sọl ladian bu emwa nii gha dee, ọ ghi mudia ye uwu ẹbu iran, ọ keghi wa ya ibata ọkpa ohoho tan sẹ emwa hia.

I Samuẹl 14:51

E Kis ne erha e Sọl kevbe Niẹ ne erha Abna, kegha re ivbi Abiẹl.

I Samuẹl 25:2

Okpia ọkpa kegha rrọ vbe ẹwae Keleb, a keghi tie eni ẹnrẹn Nabal. Ovbi ẹvbo ne a tie ẹre Moan nọ, sokpan, ẹvbo ne a tie ẹre Kamẹl ọ re ọ na gha winna ọ keghi re ọmwa ne ọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). A kegha tie ọvbokhan rẹn Abigẹl, okhuo na keghi wa mose, ẹwaẹn vbe gba ne ẹẹn, sokpan ọdafẹn ọnrẹn kegha re ọmwa oya ne egbe balọ. E Nabal keghi gia eto ohuan ẹnrẹn vbe kamẹl,