I Samuẹl 8:5 - Edo Bible (E Baibol Ẹdo) Version 1996

⁵ iran tama rẹn wẹẹ, “Ghe, u khian ọmaẹn nẹ, avbe ivbi uẹ i vbe lele ukpowẹ ruẹ. Rhunmwuda ọnii, zẹ ọba ọkpa yọ ne ọ gha khaemwisẹ yan ima ne ima vbe gha mwẹ ọba vbene avbe ẹvbo ọvbehe vbe mwẹ ọnrẹn.”

I Samuẹl 8:5 ပူးပေါင်းရင်းမြစ်များ

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Iwinna 13:21

Ugbẹn vbe iran ghi nọ ne a ma ọba yan iran, Osanobua keghi rhie Sọl ne ovbi e Kis ne iran ke uwu ivbi Bẹnjamin rre, ne ọ gha re ọba ima vbe ukpo iyeva.

Giọgis 8:22

Iyeke ọnii, ivbi Izrẹl keghi tama e Gidiọn wẹẹ, “Gha re ne ọ kha yan ima, wẹ kevbe ovbi uẹ ke eyẹ ruẹ ne ọ gha leluẹ. U miẹn ima fan vbe obọ ivbi e Midian.”

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 12:13

“Ma gualọ ọba ne ọ gha khaemwisẹ yan ima. Banbanna nian wa ghe ọba ne uwa zẹe, wa ọ re ọ nọ rẹn, e Nọyaẹnmwa vbe rhie irẹn ne uwa nẹ.

I Samuẹl 12:17

Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 12:2

Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.

I Samuẹl 9:20

Zẹ vbe ọghe avbe ekẹtẹkẹtẹ ne ọ wiri nẹghẹdia, wa ghẹ ghi kpokpo egbe ba ẹmwẹ iran rhunmwuda, a miẹn iran nẹ. Sokpan, de ọmwa ne emwa Izrẹl wa rhie aro ye odẹ gha khẹ yi! Ẹ i re uwẹ nọ, kevbe ẹgbẹe erhaa?”