I Samuẹl 8:4 - Edo Bible (E Baibol Ẹdo) Version 1996

⁴ Avbe ọkaolotu Izrẹl hia keghi si koko, iran na bu e Samuẹl gha rrie Rama,

I Samuẹl 8:4 ပူးပေါင်းရင်းမြစ်များ

II Samuẹl 3:17

Abna keghi bu avbe olotu ivbi Izrẹl gha khian, ọ na tama iran wẹẹ, “Ke ẹghẹ ne ọ kpẹre gha dee, ọ re uwa kegha ho ne Devid gha re ọba uwa.

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.

I Samuẹl 11:3

Avbe ọkaolotu e Jabẹs keghi kha wẹẹ, “Rhie ikpẹdẹ ihinrọn ne ima ya gie uhunmwu lele otọe Izrẹl hia. A deghẹ a ma ghi miẹn ne ọ yi ima obọ, ma zẹ egbe mwa obọ ne uẹn.”

I Samuẹl 7:17

Iyeke onii ọ ghi vbe gha rrie Rama ne ẹvbo ẹre, ọ ghi vbe ya bu ohiẹn vba. Ọ keghi bọ aka ọkpa ne Nọyaẹnmwa vbe Rama.

I Samuẹl 8:10

E Samuẹl keghi talọ ẹmwẹ ne Nọyaẹnmwa tama rẹn hia ma avbe emwa ni do gha nọ irẹn ọba nii.