I Samuẹl 8:19 - Edo Bible (E Baibol Ẹdo) Version 1996

¹⁹ Emwa nii ma kue zẹ ye Samuẹl re. Iran keghi wanniẹn wẹẹ, “Ẹn o!” Ma gualọ ọba.

I Samuẹl 8:19 ပူးပေါင်းရင်းမြစ်များ

II Ọba 21:9

Sokpan, ivbi e Juda ma họn ẹmwẹ ne Nọyaẹnmwa, e Manasẹ keghi wa si iran obọ larọ ne iran ru orukhọ ne ọ kpọlọ sẹ ọghe avbe ẹvbo ne Nọyaẹnmwa khulo ladian vbe ivbi Izrẹl dee.

Psalm 81:11

“Sokpan avbe emwa mwẹ I danmwehọ mwẹ, Izrẹl ma họn ẹmwẹ mẹ.

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Diuteronomi 17:14

“Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,