I Samuẹl 8:18 - Edo Bible (E Baibol Ẹdo) Version 1996

¹⁸ Ẹghẹ nii gha sẹ, wa ghi gha gui ẹzọ orriara ọghe ọna imaan vbe ekpa avbe ọba uwa, ne uwa tobọ uwa zẹe, sokpan e Nọyaẹnmwa i ra zẹ ye ẹzọ ne uwa gui.”

I Samuẹl 8:18 ပူးပေါင်းရင်းမြစ်များ

II Krọnikol 10:11

Erha mwẹ kun ihẹ ne ọ khua ne uwa mu, me gha ru ẹe ne ọ khua sẹ ọnii, asan ọ re ọ ya gbele uwa, sokpan ekoboko ọ re I ra ya mama uwa.”

Job 27:8

De idaehọ ne emwa dan mwẹ yi, vbe ẹghẹ ne Osanobua gha na nọ orhiọn iran vbe obọ iran.

Job 27:9

Ukpokpo gha rre, Osanobua gha họn utumwẹ iran ra?

Psalm 18:41

Iran tu nọ iyobọ sokpan, a ma miẹn ne ọ miẹn iran fan iran da tie Nọyaẹnmwa, sokpan, ọ ma khuẹnniẹn.

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 59:1

Wa ghẹ gha ro wẹ e Nọyaẹnmwa ma wegbe sẹ ne ọ gha miẹn uwa fan, ra wẹ ọ yin ehọ ẹ i sẹtin họn ugomwẹ ne uwa go gualọ iyobọ.

Aizaia 8:21

Emwa gha zozo lele otọe nii zẹ vbe emwa ne ẹtin fo kevbe ne ohanmwẹ gbe. Vbe uwu ne ohu na mu iran kevbe ne ohanmwẹ na vbe gbe iran nii, iran ghi filo unu gie ọba iran nii, iran ghi filo unu gie ọba iran kevbe Osanobua iran. Iran sẹtin gha ghe odukhunmwu

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Iyẹn ne ọ Maan Ọghe Luk 13:25

Ọdafẹn ne ọ yan owa gha guakpao, ọ ghi ya khui urho, ẹghẹ nii, wa ghẹ ghi mudia ye ore gha tie, ‘Enọwanrẹn, kie ne ima!’ rẹn ghi wanniẹn tama uwa wẹẹ, ‘I ma rẹn ehe ne uwa ke rre.’

I Samuẹl 8:17

Ọ gha viọ a ghae ye ihe igbe ọghe ohuan uwa, wa ghi do khian eviẹn ọnrẹn.