I Samuẹl 7:4 - Edo Bible (E Baibol Ẹdo) Version 1996

⁴ Rhunmwuda ọnii, ivbi Izrẹl keghi viọ avbe amazẹ e Baal ni gue iran kua deba ọghe Astat, iran na gha ga e Nọyaẹnmwa ọkpa kẹkan.

I Samuẹl 7:4 ပူးပေါင်းရင်းမြစ်များ

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 11:5

Ọ kegha gho Astat ne ẹbọ ne okhuo ọghe Saidọn kevbe Milkọm ne ẹbọ emwiekhue ọghe Amọn.

I Ọba 8:48

A deghẹ iran gele roiro fi ekhọe werriẹ vbe odẹ vbe ẹmwata, iran gha mu aro da otọe na ne uwẹ mu ne avbe erha iran na erhunmwu ghe ruẹ, ẹvbo na ne uwẹ zẹe kevbe Ọgua Osa na ne I bọe nuẹn,

II Ọba 23:15

E Josaia kevbe guọghọ ẹe sẹ otọ ighẹ ehe ne a na te ga vbe Bẹtẹl, ne Jeroboam ne ọba ne ovbi e Nebat bọe, ọmwa ni ne ọ si ivbi Izrẹl obọ fi orukhọ. E Josaia keghi siẹn Ogiukpo ne ọ rrọ sẹ otọ, ọ na rẹnkhẹn okuta ni rrọọ, ọ na dunmwu ẹẹn ya khian ebubẹ, ọ kevbe giẹn ọnrẹn uan ighẹ amazẹ Asiẹrra.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Giọgis 2:11

Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.

Giọgis 2:13

Iran fi iyeke gbe ugamwẹ e Nọyaẹnmwa, iran na ya gha gho avbe Bal kevbe Astat.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”

I Samuẹl 7:5

Ẹre Samuẹl na tie ivbi Izrẹl hia ne iran do miẹn egbe vbe Mizpa, ọ keghi tama iran wẹẹ, “I gha na erhunmwu ghe e Nọyaẹnmwa ne uwa vbe evba.”