I Samuẹl 7:2 - Edo Bible (E Baibol Ẹdo) Version 1996

² Ẹkpẹti Ile ọghe Nọyaẹnmwa kpee vbe kirriat Jearim ẹsẹse, ọ sẹ odẹ ukpo ugie. Vbe uwu ẹghẹ na hia, ivbi Izrẹl kegha tu tie e Nọyaẹnmwa, wẹ ne ọ yi iran obọ.

I Samuẹl 7:2 ပူးပေါင်းရင်းမြစ်များ

I Krọnikol 13:3

Ma ghi ya mu Ẹkpẹti Ile e Nọyaẹnmwa, ne a wa yangbe vbe ẹghẹ ne Sọl na gha re ọba, rre.”

I Krọnikol 13:5

Ẹre Devid na si emwa ni hia ke ehe ne ẹvbo ni sẹe ehe ne ọ rhanmwẹ koko ke uwu Igipt vbe odẹ ekẹn ya sẹ Ada e Hamat vbe odẹ okuọ, ne iran miẹn ehe na ya mu Ẹkpẹti Ile Nọyaẹnmwa ke kirriat Jearim gha die Jerusalẹm.

Jerimaia 26:20

(Okpia okpa ọvbehe vbe gha rrọọ, Uraia ne ovbi e Siemaia vbe ẹvbo ne a tie ẹre kirriat Jerim ne ọ vbe ye eni e Nọyaẹnmwa guaan yan ẹvbo na ke uhunmwu ẹvbo zẹ vbene Jerimaia vbe ru.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Matiu 5:4

Ọ maa ne iran ni khiẹ, Osanobua gha fu iran ẹko rre!

Jọsua 9:17

Ẹre ivbi Izrẹl na si okhian, vbe ẹdẹ ne ogieha, iran keghi sẹ ẹvbo ne avbe emwa nii ye: Gibiọn, Kiefira, Biirot kevbe kirriat Gierim.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

I Samuẹl 7:1

Ẹre emwa kirriat Jearim na ya mu Ẹkpẹti Ile, iran na ya mu ẹẹn ye owa Abinadab ne ọ rre uhunmwu oke. Iran keghi ya Eliaza ne ovbi ẹre yo ulamwẹ ne ọ gha gbe aro ghe ẹre.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”