I Samuẹl 7:10 - Edo Bible (E Baibol Ẹdo) Version 1996

¹⁰ Ẹghẹ ne Samuẹl na wa gha zọ ese nii, ivbi e Filistin keghi rhulẹ ghe odaro ne iran gu iran gbinna sokpan, vbe ẹghẹ nii zẹẹ, e Nọyaẹnmwa keghi gie avan nukhunmwu van ke ẹrinmwi rre yan iran. Ezurọ keghi la iran hia egbe iran na lẹkua.

I Samuẹl 7:10 ပူးပေါင်းရင်းမြစ်များ

Psalm 18:15

A keghi gie emwa miẹn ototọ okun nọkhua, a keghi vbe rhie ẹyotọ agbọn maa vbe ẹghẹ ne u na gu avbe eghian ruẹn gui Nọyaẹnmwa. U na van yan iran vbe izohu ruẹ.

Psalm 29:3

A họn urhu e Nọyaẹnmwa vbe uhunmwu avbe okun, Osanobua uyi davan, urhu ẹre keghi migbo la okun hia gba.

Psalm 29:4

A họn urhu e Nọyaẹnmwa, vbe uwu ẹtin kevbe uyi ẹre hia.

Psalm 78:66

Ọ keghi khulo avbe eghian rẹn werriegbe vbe ọ khọn iran muotọ nẹ ọ keghi vbe zẹ efa etẹbitẹ ye iran egbe.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Diuteronomi 28:7

“E Nọyaẹnmwa gha khọn eghian hia mu otọ ne uwa. Odẹ ọkpa iran ra la rre do gu uwa gbinna, sokpan odẹ ihi-nrọn iran ra lẹ la gha rrie.

Jọsua 10:10

E Nọyaẹnmwa keghi fian afianma ne ọ ya emwa zurọ fi ivbi Amọri egbe vbe iran wa bẹghe ivbiyokuo ọghe Izrẹl. Ivbi Izrẹl keghi lọ iran an vbe Gibiọn, iran na khulo iran ghe ototọ oke ya la Bẹt-horọn, iran keghi gbinna ghe odẹ ekẹn ya sẹ Azẹka kevbe Makẹda.

Giọgis 4:15

E Barak ghi wa ladian ke irẹn kevbe ivbi iyokuo ẹre, e Nọyaẹnmwa keghi fian otighi fi e Siseria ke ẹe kevbe ikẹkẹ okuo ẹre kevbe emwa rẹn egbe, E Siseria keghi tuorre vbe ikẹkẹ okuo ẹre, ọ na ye owẹ lẹ fua.

Giọgis 5:20

Avbe orhọnmwẹ kegha gbinna ke odukhunmwu rre vbe ne iran ya vin la aro iso gberra. Iran gu e Siseria gbinna.

Giọgis 5:8

A khọn okuo otọe ni ra vbe ivbi Izrẹl zẹ ẹbọ ọvbehe? Vbe arhin arriaisẹn iyeva ni rre Izrẹl (40,000) a miẹn ne ọ mu asa vbo ra asoro?

I Samuẹl 12:17

Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 14:15

Ohan dan keghi mu ivbi e Filistin ni rre uwu oha nii hia, iran ni fu emwi viọ kevbe avbe ivbiyokuo ni rre agọ nii, kegha guọ zẹzẹzẹ, otọe keghi mu rueghe, ehe hia na tighi ua.

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”

I Samuẹl 7:11

Ivbi Izrẹl keghi ke Mizpa vẹ ladian, iran na zẹ ivbi Filistin khu ya sẹ vbe a ghi bu Betka, iran na gha gbele iran lele odẹ khian.