I Samuẹl 7:1 - Edo Bible (E Baibol Ẹdo) Version 1996
1 Ẹre emwa kirriat Jearim na ya mu Ẹkpẹti Ile, iran na ya mu ẹẹn ye owa Abinadab ne ọ rre uhunmwu oke. Iran keghi ya Eliaza ne ovbi ẹre yo ulamwẹ ne ọ gha gbe aro ghe ẹre.
Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.
Ọ kevbe ya la ehe ọvbehe, ọ na laghe odẹ ekẹn kevbe odẹ orrie ọghe oke na, kpao vbe odẹ ekẹn ọghe Bẹt-horọn, ọ na vbe laghe odẹ ẹvbo kirriat Bal (ra kirriat Jearim) ne ọ re ọghe ẹwae Juda ehe ne ọ lae vbe odẹ orrie ọ re ọnii khin.
Ẹkpẹti Ile ọghe Nọyaẹnmwa kpee vbe kirriat Jearim ẹsẹse, ọ sẹ odẹ ukpo ugie. Vbe uwu ẹghẹ na hia, ivbi Izrẹl kegha tu tie e Nọyaẹnmwa, wẹ ne ọ yi iran obọ.