I Samuẹl 6:9 - Edo Bible (E Baibol Ẹdo) Version 1996

⁹ Wa ghi gha ghe ẹre vbe ọ khian. Ọ gha laghe odẹ Bẹt Siemẹs, ọ rhie maa wẹ Osanobua ọghe ivbi Izrẹl ọ re ọ gie avbe emwi ni wegbe na rruan uwa, sokpan, a deghẹ ọ ma ru vberriọ, a ghi rẹn wẹ ẹ i re irẹn ọ re ọ gie emianmwẹ ni rre, vbene emwi defi nọ.”

I Samuẹl 6:9 ပူးပေါင်းရင်းမြစ်များ

II Samuẹl 1:6

Rẹn keghi wanniẹn wẹẹ, “Te I wa gheghe sẹ uhunmwu oke Gilboa. I keghi do miẹn e Sọl vbe ọ ya egbe gọ yan asoro ẹre, ikẹkẹ okuo kevbe iran ni hin ẹsin avbe eghian ghi ra wa vba ẹre fo.

I Ọba 4:9

E Bendekei: ẹvbo Makaz, Sialbim, Bẹt Siemẹs, Elọn kevbe Bethanan.

II Krọnikol 25:21

rhunmwuda ọnii, e Jehoas ne ọba Izrẹl keghi mu okuọ gie Amezaia ne ọba e Juda, iran keghi do vba egbe vbe Bẹt Siemẹs ne ọ rre Juda.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Iyẹn ne ọ Maan Ọghe Luk 10:31

Emwi ghi wa ho aro, ohẹn ọkpa keghi la odẹ ni, ugbẹn vbe ọ ghi bẹghe ẹre, ọ keghi gban egbe la obọ nọkpa.

Jọsua 15:10

Evba ọ ghi kevbe ya lẹga odẹ orrie ọghe Baala la ghe odẹ Oke Sẹa, ọ na vbe la odẹ okuọ ọghe oke Giearim (ra Kiesalon) vbe la ghe otọ gha rrie Bẹt Siemẹs gha khian ya gberra Timna.

Jọsua 21:16

Ain, Juta, Bẹt Siemẹs ke iran kevbe otọ erria iran. Ọ kegha re okpẹvbo ihinrọn vbe ọghe ẹwae Juda kevbe Simiọn.

I Samuẹl 6:10

Iran keghi ru vbene a tama iran, iran keghi mu ẹmila amwẹ eva, iran na gbalọ iran ginna okotọ nii, iran ke dee ivbi iran ye uwu ogba.

I Samuẹl 6:12

Avbe ẹmila nii keghi suẹn okhian ghe odẹ Bẹt Siemẹs, iran na wa gha rrie evba taara vbene iran ma na vbe zẹdẹ lahin urodẹ rre hiehiere. Iran kegha tu vbene iran wa ya khian nii. Enigie Filistin isẹn nii keghi lele iran sẹ uwu Bẹt Siemẹs.

I Samuẹl 6:3

Iran keghi wanniẹn wẹẹ, “A deghẹ wa mu Ẹkpẹti Ile ọghe Osanobua Izrẹl werriegbe, te uwa gha viọ emwi izẹọhẹ lele ẹe ne uwa ya ha osa orukhọ uwa. A ghẹ gie Ẹkpẹti Ile nii werriegbe vbe ne a ma na viọ emwi izẹ ọhẹ lele ẹe, vbenian ọre a gha na mu uwa egbe rran, wa ghi do rẹn emwi ne ọ si ẹe ne ọ na gha mianmwẹ uwa ke ẹghẹ ni gha dee.”