I Samuẹl 6:7 - Edo Bible (E Baibol Ẹdo) Version 1996

⁷ Rhunmwuda onii nian, wa kun okotọ ọgbọn, wa munọ ẹmila eva ne a ma he ya gua ẹdẹ, gbalọ iran ginna okotọ nii, wa ghi khulo ivbi iran werriegbe gha rrie irhu.

I Samuẹl 6:7 ပူးပေါင်းရင်းမြစ်များ

II Samuẹl 6:3

Iran keghi mu ẹẹn yan okotọ ọgbọn, iran keghi ya mu ẹẹn ke owa Abinadab ne ọ rre uhunmwu oke gha dee. Uzza kevbe Ahio ne ivbi Abinadab ọ re ọ dia nene okotọ.

I Krọnikol 13:7

Iran keghi mu Ẹkpẹti Ile nii ladian vbe owa Abinadab iran na mu ẹẹn yan okotọ ọgbọn. Uza kevbe Ahio kegha rhie aro lele ẹe kevbe ọkotọ nii.

Nọmbas 19:2

ne iran ru emwamwa na ne ivbi Izrẹl wẹẹ, ne iran mu ẹmila ne ọ baa ne a ma he ya winna ke ne ẹ i mwẹ okan.

Diuteronomi 21:3

Avbe ekaolotu avbe ẹvbo nii sikẹ ọ re sẹ ighẹ ehe ne a na miẹn ikun ọmwa nii, ghi hannọ ovbi ẹmila amwẹ ne a ma he ya winna ẹdẹ.

Diuteronomi 21:4

A ghi rhie ẹre gha rrie ẹzẹ ne ẹ i ka ehe ne otọ ne a ma he mu ẹre ugbo ra ne a kọ emwi yọ ẹdẹ, a ghi khiẹn ẹre ẹyaẹn gbẹe rua vbe evba.