I Samuẹl 6:6 - Edo Bible (E Baibol Ẹdo) Version 1996

⁶ Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.

I Samuẹl 6:6 ပူးပေါင်းရင်းမြစ်များ

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 95:8

“Wa ghẹ ze vbe udu, vbene avbe erha uwa ru vbe Mẹriba vbe ẹghẹ nii vbe iran rre ato Messa.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:23

Ivbi Igipt keghi zẹ iran khu, iran na lele iran la uwu okun kevbe iran kevbe avbe ẹsin hia, ikẹkẹ okuo kevbe iran nii gua ẹe.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 7:14

Ẹre Nọyaẹnmwa na tama e Mosis wẹẹ, “Ọba yin ehọ gbe, ọ ma gie emwa na kpao.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:32

Uhin ye vbe do sẹ egbe ona, te ọba ye dọlegbe yin ehọ, ọ ma gie emwa nii kpao.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Ẹksọdọs 9:34

Ugbẹn vbe ọba ghi miẹn wẹ amẹ ne ọ rhọ, kevbe avan ne ukhunmwu da obọ yi nẹ, ọ kevbe dọlegbe ru khọ, rẹn vbe ekhaẹmwẹ ọnrẹn keghi ye yin ehọ.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.