I Samuẹl 6:4 - Edo Bible (E Baibol Ẹdo) Version 1996

⁴ Iran keghi nọ iran wẹẹ, “De emwi ne ima gha ya zẹ ọhẹ lele ẹe.” Iran keghi wanniẹn wẹẹ, “Amazẹ ọghe uruvba isẹn ne a ya igoru ma, kevbe ofẹn isẹn ọkpọkpa ghi gha re ọghe ọkpọkpa vbe uwu avbe enigie e Filistin.

I Samuẹl 6:4 ပူးပေါင်းရင်းမြစ်များ

Ẹksọdọs 12:35

Ivbi Izrẹl keghi ru vbene Mosis tama iran, iran keghi mọmọ ivbi Igipt ikpẹ ẹrọnmwọ kevbe esiliva kevbe igoru ke ukpọn.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

I Samuẹl 5:12

Iran ni ma wulo vbọ, uruvba keghi munọ iran. Iran kegha datie ẹbọ iran ne ọ do yi iran obọ.

I Samuẹl 5:6

E Nọyaẹnmwa keghi rri emwa Asdọd oya ẹsẹse, ọ na runran iran.

I Samuẹl 5:9

Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.

I Samuẹl 6:5

Wa ghi mannọ amazẹ ọghe avbe uruvba kevbe ofẹn nii ya ẹvbo uwa rrie na, ne uwa vbe miẹn orukhọ uwa kue ma Osanobua Izrẹl. U ghaghe ọ ghi dobọ oya ne ọ ya rri uwa, kevbe ẹbọ uwa kevbe otọ uwa re yi.

I Samuẹl 6:8

Wa mu Ẹkpẹti Ile ọghe Nọyaẹnmwa nii ne uwa mu ẹẹn yan okotọ nii. Wa ghi viọ amazẹ ọghe igoru ne uwa mannọẹn nii, ne uwa ra ya ze ọhẹ gie ẹe ne uwa ya ha osa orukhọ uwa, ye ẹkpẹti mu ke Ẹkpẹti Ile nii, wa ghi sua okotọ nii ghe odẹ ne uwa ho ne ọ laghe, nu uwa gie ẹe tobọ ẹre gha khian.