I Samuẹl 6:20 - Edo Bible (E Baibol Ẹdo) Version 1996

²⁰ Rhunmwuda ọnii, ivbi e Bẹt Siemẹs keghi kha wẹẹ, “De emwa ne ọ gha sẹtin mudia vbe odaro e Nọyaẹnmwa, Osanobua nọhuanrẹn na? De ehe ne ima gha mu ẹẹn gha rrie, ne a miẹn ehe na mu ẹẹn hin ehe ne ima ye rre?”

I Samuẹl 6:20 ပူးပေါင်းရင်းမြစ်များ

II Samuẹl 6:7

Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

II Samuẹl 6:9

Ohan e Nọyaẹnmwa kegha mu e Devid, ọ keghi kha wẹẹ, “Ohan gha ye gun mwẹ mu Ẹkpẹti Ile gha khian nian?”

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 11:45

Mẹ ọrọre Nọyaẹnmwa ne ọ viọ uwa ke Igipt ladian, ne I mẹ sẹtin gha re Osanobua rua. Wa ghi gha re ne ọ huanrẹn, rhunmwuda ọmwa ne ọ huanrẹn mẹ khin.”

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”

Iyẹn ne ọ Maan Ọghe Luk 8:37

Emwa hia ni wa ke otọ Gadara rre keghi bu Jesu gha dee, iran tama rẹn ne ọ do kpao hin iran ẹvbo rre rhunmwuda ohan mu iran ẹsẹse. Rhunmwuda ọnii, Jesu keghi la okọ, ọ na kpao.

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”

I Samuẹl 5:7

Iran ghi miẹn emwi ne ọ sunu, iran keghi kha wẹẹ, “Osanobua ọghe Izrẹl ọ re ọ rri ma oya na ke ima kevbe Dagọn ne ẹbọ mwa. Ma i ghi kue ne Ẹkpẹti Ile na ye gha rre emwa na ọvbehe.”