I Samuẹl 6:2 - Edo Bible (E Baibol Ẹdo) Version 1996

² avbe ọkaolotu iran keghi tie avbe ohẹn kevbe ọbo edunna, iran keghi nọ iran wẹẹ, “Vbe ima gha ru Ẹkpẹti Ile ọghe Nọyaẹnmwa hẹ? A deghẹ ma mu ẹẹn werriegbe gha rrie ehe ne ọ ke rre, de emwi ne ima gha rhie lele ẹe gha khian?”

I Samuẹl 6:2 ပူးပေါင်းရင်းမြစ်များ

Gẹnẹsis 41:8

Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Aizaia 2:6

E Nọyaẹnmwa, wẹ mianmian avbe emwa ruẹn ne, ighe avbe ivbi e Jekọb. Uyinmwẹ oso ọ re ọ ghi gba otọe nii hia, ke odẹ ahọ yasẹ Filistia. Uyinmwẹ, ẹvbo ẹrrẹe ọ re avbe emwa nii ghi yin.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Matiu 2:4

Ọ keghi tie iko avbe igie ohẹn kevbe avbe ọ rẹn Uhi, ọ na nọ iran wẹẹ, “De ehe ne a wẹ a gha na biẹ Mẹzaia?”

I Samuẹl 5:8

Rhunmwuda ọnii, iran keghi gie ne a ya tie enigie isẹn ọghe emwa Filistin, iran keghi nọ iran wẹẹ, “Vbe a gha ru Ẹkpẹti Ile ọghe Osanobua ivbi Izrẹl hẹ yi?” Iran wanniẹn tama iran wẹẹ, “Wa mu ẹẹn gha rrie Gat.” Iran keghi gele mu ẹẹn gha rrie Gat ne ọ vbe re ẹvbo e Filistin.

I Samuẹl 6:1

Ẹkpẹti Ile ọghe Nọyaẹnmwa ghi ghe uki ihinrọn nẹ vbe Filistia,