I Samuẹl 6:17 - Edo Bible (E Baibol Ẹdo) Version 1996

¹⁷ Ivbi e Filistin keghi viọ uruvba igoru gie Nọyaẹnmwa zẹ vbe emwi izọese ye orukhọ iran, ọkpọkpa vbọ kegha re ọghe Asdọd, e Gaza, Askẹlọn, e Gat kevbe Ẹkrọn.

I Samuẹl 6:17 ပူးပေါင်းရင်းမြစ်များ

II Samuẹl 1:20

Wa ghẹ ta ẹe sẹ Gat, ra idunmwu Askẹlọn. Wa ghẹ gie ikhuo e Filistia ya gha ghọghọ, wa ghẹ gie emọ ikhuo enimayayi ya gha gbe wee.

II Samuẹl 21:22

Iran enenẹ na kegha re ivbi uniẹn avbe arhuanran ni rre Gat, e Devid kevbe emwa rẹn keghi gbele iran an.

II Ọba 1:2

Ahazaia ne ọba Izrẹl keghi ke uhunmwu egedege ne ọ rre ẹguae ẹre vbe Sameria de gbe otọ, obọ keghi da ẹe ẹsẹse. Rẹn na rhunmwuda onii gie emwa ne iran ya nọ e Baal ne ẹbọ ivbi e Filistia vbe Ẹkrọn, ne ọ miẹn ehe na rẹn a deghẹ rẹn gha fe ra rẹn i ra fe.

II Krọnikol 26:6

Uzaia keghi mu okuọ gie ivbi e Filistia. Ọ keghi dunmwu ekẹn ne a gbe lẹga e Gat, e Jamnia, kevbe Asdọd sotọ, ọ keghi vbe gba odin gaa ore ẹvbo eso vbe ọkpẹn Asdọd kevbe Filistia.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Emọs 1:6

E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?

Diuteronomi 28:27

E Nọyaẹnmwa gha tue uruvba ku uwa, zẹ vbene ọ ru ivbi Igipt. Ọ ghi gie ẹtẹ gha salọ ladian vbe egbe uwa. Egbe uwa hia ghi gha bolo ikpakpa. Otọlọ ghi la uwa egbe sokpan a i ra miẹn ukhunmwu ẹnrẹn.

Giọgis 1:18

Iran ma khọn Gaza, Askẹlọn ra Ẹkrọn kevbe ẹvbo ni lẹga iran. E Nọyaẹnmwa keghi ye Juda obọ, iran ma mu avbe ẹvbo oke ya khian ọghe iran. Sokpan iran ma sẹtin khulo avbe emwa ni yin eghute kua rhunmwuda avbe emwa nii mwẹ ikẹkẹ okuo ematọn.

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

Giọgis 16:1

Ẹdẹ ikẹtin e Samsin keghi ke evba kpao gha rrie Gaza, ọ keghi miẹn ebabotu ọkpa vbe evba, ọ na gu ẹe ru emwi ọdọ vbe amwẹ.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.

I Samuẹl 5:1

Ivbi e Filistin ghi khọn mu Ẹkpẹti Ile ọghe Osanobua nii, iran keghi mu ẹẹn ke Ebẹnẹza gha rrie ẹvbo Asdọd.

I Samuẹl 5:10

Iran na ghi vbe mu ẹkpẹti ni gha rrie Ẹkrọn, ne ọ vbe re ẹvbo e Filistin, ugbẹn vbe ọ ghi se evba, emwa nii hia keghi wa gha goo wẹẹ, “Iran mu Ẹkpẹti Ile ọghe Osanobua ivbi Izrẹl gha di edinran, ne ọ gbele ima hia a.”

I Samuẹl 5:8

Rhunmwuda ọnii, iran keghi gie ne a ya tie enigie isẹn ọghe emwa Filistin, iran keghi nọ iran wẹẹ, “Vbe a gha ru Ẹkpẹti Ile ọghe Osanobua ivbi Izrẹl hẹ yi?” Iran wanniẹn tama iran wẹẹ, “Wa mu ẹẹn gha rrie Gat.” Iran keghi gele mu ẹẹn gha rrie Gat ne ọ vbe re ẹvbo e Filistin.

I Samuẹl 6:4

Iran keghi nọ iran wẹẹ, “De emwi ne ima gha ya zẹ ọhẹ lele ẹe.” Iran keghi wanniẹn wẹẹ, “Amazẹ ọghe uruvba isẹn ne a ya igoru ma, kevbe ofẹn isẹn ọkpọkpa ghi gha re ọghe ọkpọkpa vbe uwu avbe enigie e Filistin.