I Samuẹl 6:16 - Edo Bible (E Baibol Ẹdo) Version 1996

¹⁶ Enigie e Filistin isẹn nii kegha ghe iran vbe iran ru ẹe. Iran keghi werriegbe gha rrie Ẹkrọn vbe ẹdẹ nẹdẹrriọ zẹẹ.

I Samuẹl 6:16 ပူးပေါင်းရင်းမြစ်များ

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Giọgis 16:5

Avbe ọba e Filistia isisẹn keghi bu ẹre gha khian, iran tama rẹn wẹẹ, “Rẹrẹ ọe o ighẹ Samsin ne u miẹn otọ emwi ne ọ ya ẹe wegbe sẹrriọ, kevbe vbene obọ ima gha ya vba ẹre hẹ, ne a mu ẹẹn gba ne egbe fu ẹe. Ọkpọkpa vbe uwu ima gha viọ igho esiliva iyisẹn yan arriaisẹn (1,100) nuẹn.”

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

I Samuẹl 5:10

Iran na ghi vbe mu ẹkpẹti ni gha rrie Ẹkrọn, ne ọ vbe re ẹvbo e Filistin, ugbẹn vbe ọ ghi se evba, emwa nii hia keghi wa gha goo wẹẹ, “Iran mu Ẹkpẹti Ile ọghe Osanobua ivbi Izrẹl gha di edinran, ne ọ gbele ima hia a.”

I Samuẹl 6:12

Avbe ẹmila nii keghi suẹn okhian ghe odẹ Bẹt Siemẹs, iran na wa gha rrie evba taara vbene iran ma na vbe zẹdẹ lahin urodẹ rre hiehiere. Iran kegha tu vbene iran wa ya khian nii. Enigie Filistin isẹn nii keghi lele iran sẹ uwu Bẹt Siemẹs.

I Samuẹl 6:4

Iran keghi nọ iran wẹẹ, “De emwi ne ima gha ya zẹ ọhẹ lele ẹe.” Iran keghi wanniẹn wẹẹ, “Amazẹ ọghe uruvba isẹn ne a ya igoru ma, kevbe ofẹn isẹn ọkpọkpa ghi gha re ọghe ọkpọkpa vbe uwu avbe enigie e Filistin.