I Samuẹl 5:8 - Edo Bible (E Baibol Ẹdo) Version 1996

⁸ Rhunmwuda ọnii, iran keghi gie ne a ya tie enigie isẹn ọghe emwa Filistin, iran keghi nọ iran wẹẹ, “Vbe a gha ru Ẹkpẹti Ile ọghe Osanobua ivbi Izrẹl hẹ yi?” Iran wanniẹn tama iran wẹẹ, “Wa mu ẹẹn gha rrie Gat.” Iran keghi gele mu ẹẹn gha rrie Gat ne ọ vbe re ẹvbo e Filistin.

I Samuẹl 5:8 ပူးပေါင်းရင်းမြစ်များ

I Krọnikol 7:21

e Zabad, e Siutẹla, Ifreim kegha mwẹ emọ ikpia eva ọvbehe gberra Siutẹla. ena kegha re Elead, ne iran gbele ua vbe iran te gha do ẹmila ivbi e Gat ni yan ẹvbo hẹ.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Jọsua 15:11

Uwu keghi vbe la ghe odẹ ehanhan oke vbe odẹ okuọ ọghe Ẹkrọn, ọ na vbe la ghe Sikẹrọn, ọ gberra Oke Baala gha khian ya sẹ Jabneel. Ehe ne ọ lae keghi ya mudia vbe Okun Meditẹrrenian.

I Samuẹl 17:4

Okpia ọkpa ne a tie ẹre Golaiat, ne ovbi ẹvbo ne a tie ẹre Gat, keghi ke uwu ẹbu avbe Filistin ladian, ọ na do si ivbi Izrẹl evẹn. Utanmwẹ ọnrẹn gberra ibata ihinrin,

I Samuẹl 17:52

Ivbi Izrẹl kevbe Juda keghi khu iran gha we lele iran khian, iran keghi khu iran rhinrin ya sẹ e Gat kevbe ya sẹ onurho Ẹkrọn. Ivbi e Filistin ne emwi vbare keghi dele lele odẹ e Siareim, ya sẹ e Gat kevbe Ẹkrọn.

I Samuẹl 29:6

Akis keghi tie Devid, ọ na tama rẹn wẹẹ, “I ye Osanobua Izrẹl ne ọ rrọ vẹn ihẹn wẹ u guobọ mwẹ kevbe wẹ ọ gha wa yẹ mwẹ ne u lele mwẹ gha rrie okuo na. I ma he miẹn a baku ru vbe obọ ruẹ ke ẹdẹ ne u bu mwẹ rre gha dee, sokpan, enigie nekpa ma kue ye ẹmwẹ ruẹn.

I Samuẹl 5:11

Iran keghi vbe rhunmwuda onii dọlegbe tie enigie isẹn nii, iran tama iran wẹẹ, “Wa mu Ẹkpẹti Ile ọghe Izrẹl werriegbe gha rrie ihe ẹre ne ọ ghẹ do gbele ima gbele ima emọ.” Ẹvbo hia kegha hu yo hu rre rhunmwuda Osanobua rri iran oya ẹsẹse.

I Samuẹl 5:7

Iran ghi miẹn emwi ne ọ sunu, iran keghi kha wẹẹ, “Osanobua ọghe Izrẹl ọ re ọ rri ma oya na ke ima kevbe Dagọn ne ẹbọ mwa. Ma i ghi kue ne Ẹkpẹti Ile na ye gha rre emwa na ọvbehe.”

I Samuẹl 6:2

avbe ọkaolotu iran keghi tie avbe ohẹn kevbe ọbo edunna, iran keghi nọ iran wẹẹ, “Vbe ima gha ru Ẹkpẹti Ile ọghe Nọyaẹnmwa hẹ? A deghẹ ma mu ẹẹn werriegbe gha rrie ehe ne ọ ke rre, de emwi ne ima gha rhie lele ẹe gha khian?”