I Samuẹl 5:7 - Edo Bible (E Baibol Ẹdo) Version 1996

⁷ Iran ghi miẹn emwi ne ọ sunu, iran keghi kha wẹẹ, “Osanobua ọghe Izrẹl ọ re ọ rri ma oya na ke ima kevbe Dagọn ne ẹbọ mwa. Ma i ghi kue ne Ẹkpẹti Ile na ye gha rre emwa na ọvbehe.”

I Samuẹl 5:7 ပူးပေါင်းရင်းမြစ်များ

II Samuẹl 6:9

Ohan e Nọyaẹnmwa kegha mu e Devid, ọ keghi kha wẹẹ, “Ohan gha ye gun mwẹ mu Ẹkpẹti Ile gha khian nian?”

I Krọnikol 15:13

Rhunmwuda ne uwa i na rre evba ne uwa mu ẹẹn vbe okaro, e Nọyaẹnmwa ne Osanobua ima keghi rri ima oya ye ne ima ma na ga ẹe vbene ọ te ke yi.”

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 12:33

Ivbi Igipt keghi ya tua iran wẹ ne iran kpao ẹgiẹgiẹ wẹẹ, “deghẹ wa ma kpao, ma hia gha wulo.”

Ẹksọdọs 8:28

Ọba keghi kha wẹẹ, “I gha gie uwa ya zọ ese ghe Nọyaẹnmwa Osanobua rua vbe ato a deghẹ wa ma khian rrei gbe. Wa na erhunmwu mẹ.”

Ẹksọdọs 8:8

Ọba keghi tie Mosis kevbe Errọn, ọna wẹẹ, “Wa na erhunmwu ghe Nọyaẹnmwa ne ọ viọ avbe ẹkirẹ hin imẹ kevbe emwa mwẹ egbe rre, I gha gie emwa uwa gha khian ne iran ya zọ ese ghe Nọyaẹnmwa.”

Ẹksọdọs 9:28

Na erhunmwu ghe Nọyaẹnmwa! Egbe avan ne ukhumwu kevbe ayan na wọ mwa. I yan ighẹ 1 gha gie uwa gha khian, wa i ghi khian mudia kpẹe sẹ ona.”

Jerimaia 46:25

E Nọyaẹnmwa ne Oghodua, ne Osanobua Izrẹl wẹẹ, “I gha rria Amọn ikhi, ẹbọ ne Tẹbes gho, ke ẹe kevbe Igipt, deba avbe ẹbọ ẹre kevbe avbe ọba ẹre. I ra mu ọba Igipt kevbe iran ni mu ẹtin ya rẹn.

Jerimaia 48:7

“E Moab, ẹtin ruẹn ọ re u mu ẹtin yan kevbe ẹfe ruẹ, sokpan, banban, uhin ighẹ te a ra khọn ruẹn, e Kemọs ne ẹbọ ruẹ gha yo iwe ọ ghi lele ivbi ọba kevbe avbe ohẹn ọnrẹn gha khian.

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato:

I Samuẹl 5:6

E Nọyaẹnmwa keghi rri emwa Asdọd oya ẹsẹse, ọ na runran iran.

I Samuẹl 5:8

Rhunmwuda ọnii, iran keghi gie ne a ya tie enigie isẹn ọghe emwa Filistin, iran keghi nọ iran wẹẹ, “Vbe a gha ru Ẹkpẹti Ile ọghe Osanobua ivbi Izrẹl hẹ yi?” Iran wanniẹn tama iran wẹẹ, “Wa mu ẹẹn gha rrie Gat.” Iran keghi gele mu ẹẹn gha rrie Gat ne ọ vbe re ẹvbo e Filistin.

I Samuẹl 6:20

Rhunmwuda ọnii, ivbi e Bẹt Siemẹs keghi kha wẹẹ, “De emwa ne ọ gha sẹtin mudia vbe odaro e Nọyaẹnmwa, Osanobua nọhuanrẹn na? De ehe ne ima gha mu ẹẹn gha rrie, ne a miẹn ehe na mu ẹẹn hin ehe ne ima ye rre?”