I Samuẹl 5:3 - Edo Bible (E Baibol Ẹdo) Version 1996

³ Vbe owiẹ vbirrivbirri vbe ikpẹdẹ ne ọ lele ẹe, ivbi Asdọd ghi do ghe amazẹ e Dagọn de mu aro rhu otọ vbe odaro Ẹkpẹti Ile ọghe Osanobua. Iran keghi tọn ẹẹn mu, iran na mu ẹẹn ye ihe ẹre.

I Samuẹl 5:3 ပူးပေါင်းရင်းမြစ်များ

I Ọba 18:26

Iran keghi mu ẹmila ne a mu gie iran, iran na mwamwa ẹẹn, iran na gha na erhunmwu ghe e Bal ya sẹ ẹghẹ ogiavan. Iran kegha go kha wẹẹ, “E Bal zẹ ẹmwẹ wanniẹn ima.” Iran na gha ku lẹga aka ne iran gba ẹe nii. Sokpan, ewanniẹn ma rre.

Psalm 115:7

Iran mwẹ obọ, sokpan iran i mu emwi. iran mwẹ owẹ sokpan iran i khian; iran i sẹtin ta ẹmwẹ rhọkpa.

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 40:20

Ọmwa ne obọ ẹre ma gba esiliva ra igoru, ghi gualọ erhan ne ẹ i ra kẹkẹ. Ọ ghi gualọ owinna ne ọ fu ẹro ne ọ ru amazẹ nẹi ra werriẹ gbotọ.

Aizaia 41:7

Owinna keghi tama ogun igoru wẹẹ, ‘Ọbevbaru!’ Ọmwa ne ọ kaa amazẹ kpẹghẹ, kegha rhie igiọdu ne ọmwa ne ọ ya ise selẹe kugbe. Iran wẹẹ, ‘A saa ẹe ẹse gbe’ iran keghi ya ise kan amazẹ ni mu ihọkpa.

Aizaia 46:7

Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Iyẹn ne ọ Maan Ọghe Mak 3:11

Iran ne orhiọn esu rre uwu iran gha wa bẹghe ẹre, iran ghi de fianmwẹ otọ, iran ghi datu wẹẹ, “Wẹ ọrọre Ovbi Osanobua.”

I Samuẹl 6:1

Ẹkpẹti Ile ọghe Nọyaẹnmwa ghi ghe uki ihinrọn nẹ vbe Filistia,

I Samuẹl 6:5

Wa ghi mannọ amazẹ ọghe avbe uruvba kevbe ofẹn nii ya ẹvbo uwa rrie na, ne uwa vbe miẹn orukhọ uwa kue ma Osanobua Izrẹl. U ghaghe ọ ghi dobọ oya ne ọ ya rri uwa, kevbe ẹbọ uwa kevbe otọ uwa re yi.