I Samuẹl 5:1 - Edo Bible (E Baibol Ẹdo) Version 1996

¹ Ivbi e Filistin ghi khọn mu Ẹkpẹti Ile ọghe Osanobua nii, iran keghi mu ẹẹn ke Ebẹnẹza gha rrie ẹvbo Asdọd.

I Samuẹl 5:1 ပူးပေါင်းရင်းမြစ်များ

Psalm 78:61

Ọ gie avbe eghian mwa khọn mu Ẹkpẹti Ile ne ọ re ama ọghe ẹtin kevbe uyi ẹre.

Aizaia 20:1

E Sagon ne Ọgbaisi ọghe Asiria, keghi gie olotu avbe ọkaokuo ọghe Asiria ne ọ ya khọn Asdọd ne ọ rre otọ e Filistia.

Emọs 3:9

Wa tama iran ni rre ẹguae vbe Igipt kevbe Asdọd wẹẹ: “Wa ya si egbe koko ye oke ni rre ọkpẹn e Sameria ne uwa ya ghe otighi kevbe emwi dan ne iran ru vbe evba.”

Iwinna 8:40

Filip ghi ghe Asdọd rẹn ghi ye, ọ keghi wa la ẹvbo ni rre eni hia gba, ọ na gha kpe orhu Iyẹn Ne ọ maa ọ te ya sẹ Sisaria.

Jọsua 11:22

A ma zẹdẹ sẹ ọkpa vbe avbe Anakim rae ye otọ Izrẹl. Sokpan a keghi sẹ ibozẹghẹ rae ye Gaza, e Gat kevbe Asdọd.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

I Samuẹl 4:1

Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.

I Samuẹl 4:11

okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.

I Samuẹl 4:22

Rẹn keghi kha wẹẹ, “Uyi Osanobua kpao vbe Izrẹl rre nẹ, rhunmwuda, okuo khọn mu Ẹkpẹti Ile ọghe Osanobua.”

I Samuẹl 6:1

Ẹkpẹti Ile ọghe Nọyaẹnmwa ghi ghe uki ihinrọn nẹ vbe Filistia,

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”