I Samuẹl 4:19 - Edo Bible (E Baibol Ẹdo) Version 1996

¹⁹ Amwẹ ovbi Elai ighẹ Finihaz kegha hanmwa, uki wa vbe sẹ ọe fo nẹ. Ugbẹn vbe ọ ghi họn ighẹ okuo khọn mu Ẹkpẹti Ile ọghe Osanobua, kevbe wẹ, ke ọdọ ọre kevbe erha ọdọ ẹre wa vbe wulo, emwi ubiẹmwẹ ọbanban keghi wa suẹn ọnrẹn, ọ keghi biẹ.

I Samuẹl 4:19 ပူးပေါင်းရင်းမြစ်များ

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Gẹnẹsis 35:17

Ugbẹn vbe obọ emwi ubiẹmwẹ ghi wa dae, okhuo ne ọ mu ẹre emwi ubiẹmwẹ keghi tama rẹn wẹẹ, “Ghẹ gie ohan muẹn, ọmọ okpia vbe nọ.”

I Ọba 14:1

Vbe ẹghẹ nii, Abija ne ovbi ọba Jeroboam keghi gha khuọnmwi.

Psalm 78:64

Avbe ohẹn wulo uwu dan, a ma vbe gie avbe amwẹ iran khiẹ iran.

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

I Samuẹl 4:18

Okpia nii ghi wa sunu ye Ẹkpẹti Ile, Elai keghi wa ke emwi ne ọ tota yi vbe ọkpẹn onurho nii werriẹ la odieke fua. Ọ khian ọmaẹn ẹsẹse, ọ keghi wa vbe kpolo, rhunmwuda ọnii, udemwẹ ne ọ de ni keghi bun ẹnrẹn eyaẹn, ọ na wu. Ukpo iyeva ọre ọ su Izrẹl la.

I Samuẹl 4:20

Rẹn keghi wa gha wu khian sokpan okhuo ne ọ mu ẹre emwi ubiẹmwẹ keghi tama rẹn, “Dọlọ aro yi ighẹ okpia ọre u biẹe!” Sokpan, rẹn ma ghi danmwehọ ra ne ọ rhie ewanniẹn ne ẹẹn.