I Samuẹl 4:11 - Edo Bible (E Baibol Ẹdo) Version 1996

¹¹ okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.

I Samuẹl 4:11 ပူးပေါင်းရင်းမြစ်များ

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Psalm 78:64

Avbe ohẹn wulo uwu dan, a ma vbe gie avbe amwẹ iran khiẹ iran.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

I Samuẹl 2:31

Yẹrẹro nian, ẹghẹ dee ne I gha na gbele avbe igbama ni rre ẹgbẹe ruẹ kevbe ẹwae ruẹ rua sẹrriọ wẹ, a i ghi ra miẹn ọmwa ọkpa ne ọ gha ke ẹe vbe ẹgbẹe ruẹ ne ọ do khian ọmaẹn.

I Samuẹl 2:32

Emwi gha ba so uẹ, aro ruẹ ghi viẹn ye emwi ọ maa ne agbọn ne I gha viọ ne ivbi Izrẹl nekpa, sokpan, a i ghi dọlegbe miẹn ne ọ khian ọmaẹn vbe uniẹn ruẹn.

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.

I Samuẹl 3:12

Vbe ẹdẹ ne ẹdẹrriọ, I gha ru emwi ne I yan rẹn ighẹ I gha ru ẹgbẹe Elai re, ke omuhẹn ya sẹ ufomwẹ ọnrẹn.

I Samuẹl 4:21

Ọ keghi he ọmọ ni Ikabọd, ne ọ ya kha wẹẹ, “Uyi Osanobua kpa vbe Izrẹl rre nẹ,” rhunmwuda ne okuo na khọn mu Ẹkpẹti Ile, erha ọdọ ẹre wu, ọdọ ẹre kevbe wu.