I Samuẹl 4:10 - Edo Bible (E Baibol Ẹdo) Version 1996

¹⁰ Ivbi e Filistin keghi wa kakabọ gbinna, a keghi khọn miẹn ivbi Izrẹl otọ, iran na lẹ gha rrie owa iran. Obọ wa da iran ẹsẹse, iran keghi gbele arhun arriaisẹn ọgban (30,000) vbe ivbi iyokuo Izrẹl,

I Samuẹl 4:10 ပူးပေါင်းရင်းမြစ်များ

II Samuẹl 18:17

Iran keghi mu ikun Absalọm, iran na mu ẹẹn fi uwu uvun ne ọ dinmwi vbe uwu ẹgbo, iran na silo okuta ọrhẹnrhẹn ranrẹn. Ivbi Izrẹl hia keghi lẹ kua, dọmwadẹ ọghọe ghe owa ẹre.

II Samuẹl 18:7

Obọ emwa e Devid keghi ke odukhunmwu ne ọghe ivbi Izrẹl, iran keghi gbele iran ugbemwẹ oya, vbene emwa ni wulo ẹdẹrriọ na gha re arriaisẹn ugie (20,000).

II Samuẹl 19:8

Ẹre ọba na guakpao, ọ na ya tota ye onurho ne a la la ore ẹvbo. Emwa rẹn keghi họn wẹ, ọ rre evba, iran keghi bu ẹre gha khian ya gbe ẹbu ye ehe ne ọ ye. Vbe ẹghẹ ne a ghi kha na nian, ivbi Izrẹl hia lẹkua nẹ, dọmwadẹ ọghe ọe ghe owa ẹre.

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

I Ọba 22:36

Owẹn ghi ra de fua, iran keghi ta ẹe gba ivbi Izrẹl hia ne iran họn wẹẹ, “We ne edọmwadẹ ọghe ọe gha rrie ẹvbo ẹre kevbe otọe ẹre!”

II Ọba 14:12

A keghi khọn iyokuo Amazaia muotọ ivbi iyokuo ẹre hia keghi lẹ gha rrie owa iran.

II Krọnikol 13:17

Abija kevbe ivbiyokuo ẹre keghi gbe ivbi Izrẹl ugbemwẹ oya. Omwa arriaisẹn ekigbesiyeha (500,000) vbe ivbiyokuo ni maa sẹẹ vbe Izrẹl kegha re ne a gbele ua.

II Krọnikol 25:22

Obọ keghi ke ukhunmwu ne iyokuo e Juda, ivbiyokuo iran keghi lẹkua gha rrie owa.

Psalm 78:9

Ivbi Ifreim, ni viọ uhanbọ kevbe ifẹnmwẹ keghi lẹ kua vbe ẹdẹ ne a khọn okuo.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Diuteronomi 28:15

“Sokpan, a deghẹ uwa ma họn ẹmwẹ e Nọyaẹnmwa Osanobua uwa ne uwa vbe ya ẹkoata rhie uhi ẹre hia ne imẹ rhie ne uwa ẹrẹna mwẹ, avbe emwi dan na hia gha sunu vbe egbe uwa.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

I Samuẹl 3:11

E Nọyaẹnmwa keghi tama rẹn wẹẹ, “I khian ru emwa Izrẹl emwi ne ọ mu ohan sẹ vberriọ wẹ ọmwaikọmwa ne ọ rhirhi họn ẹn, ikponi ghi sa ku ọ re.

I Samuẹl 4:2

Ivbi e Filistin keghi wa mu egbe ne iran fi emwi, iyeke vbe iran ghi khọn okuo nọ wegbe nẹ, iran keghi khọn ivbi Izrẹl muotọ, iran keghi gbele omwa arhunmwu arriaisẹn enẹ vbe adesẹ okuo.