I Samuẹl 4:1 - Edo Bible (E Baibol Ẹdo) Version 1996

¹ Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.

I Samuẹl 4:1 ပူးပေါင်းရင်းမြစ်များ

I Ọba 20:26

Orhọ nọkpa ghi wa da suẹn, ọ keghi si emwa rẹn koko, gu ivbi Izrẹl gbinna.

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Diuteronomi 29:10

“Ẹdẹnẹrẹ na nian, odaro e Nọyaẹnmwa Osanobua rua ọ re uwa mudia yi — wa hia fẹẹrẹ — avbe ọkaolotu kevbe ekhaẹmwẹ uwa, ikpia uwa.

Jọsua 12:18

Afẹk, Lasiarọn,

Jọsua 13:4

Ghe odẹ ekẹn, ẹvbo avbe emwa Kenan hia, kevbe Miara (ne ọ re ọghe emwa Saidọn) ya sẹ Afẹk, ya sẹ ehe ne otọe Amọri lae.

Jọsua 15:53

Janim, Bẹt Tapua, Afẹka,

Jọsua 19:30

Uma, Afẹk, kevbe Rehọb, okpẹvbo evayanugie kevbe avbe ẹvbo ni lẹga iran.

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 29:1

Ivbi e Filistin keghi viọ ivbiyokuo iran gha die Afẹk, vbene ivbi Izrẹl na si agọ iran bu ye ovbi ẹzẹ ne ọ rre Iya Jezrẹl.

I Samuẹl 3:11

E Nọyaẹnmwa keghi tama rẹn wẹẹ, “I khian ru emwa Izrẹl emwi ne ọ mu ohan sẹ vberriọ wẹ ọmwaikọmwa ne ọ rhirhi họn ẹn, ikponi ghi sa ku ọ re.

I Samuẹl 4:2

Ivbi e Filistin keghi wa mu egbe ne iran fi emwi, iyeke vbe iran ghi khọn okuo nọ wegbe nẹ, iran keghi khọn ivbi Izrẹl muotọ, iran keghi gbele omwa arhunmwu arriaisẹn enẹ vbe adesẹ okuo.

I Samuẹl 5:1

Ivbi e Filistin ghi khọn mu Ẹkpẹti Ile ọghe Osanobua nii, iran keghi mu ẹẹn ke Ebẹnẹza gha rrie ẹvbo Asdọd.

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”