I Samuẹl 31:9 - Edo Bible (E Baibol Ẹdo) Version 1996

⁹ Iran keghi fian e Sọl uhunmwu, iran na viọ emwi igbinna rẹn, iran na ya ẹe gie emwa eso uhunmwu gha rrie Filistia ne iran ya ya ẹe na iyẹn oghọghọ ma avbe ẹbọ iran kevbe emwa iran.

I Samuẹl 31:9 ပူးပေါင်းရင်းမြစ်များ

II Samuẹl 1:20

Wa ghẹ ta ẹe sẹ Gat, ra idunmwu Askẹlọn. Wa ghẹ gie ikhuo e Filistia ya gha ghọghọ, wa ghẹ gie emọ ikhuo enimayayi ya gha gbe wee.

I Samuẹl 17:51

Ọ keghi rhulẹ bu ẹre gha khian, ọ na mudia yan rẹn, ọ na yuo umozo e Golaiat hin ako ẹre rre, ọ keghi fian ẹre uhunmwu, ọ na gbe ẹe rua. Ugbẹn vbe ivbi e Filistin ghi miẹn wẹ, asukpekhae iran wu, iran keghi lẹkua.

I Samuẹl 17:54

E Devid keghi mu uhunmwu e Golaiat gha rre Jerusalẹm, sokpan ọ keghi viọ emwi igbinna e Golaiat ye owa ukpọn ọghe irẹn.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.

I Samuẹl 31:8

A ghi tie ẹre nodẹ ne a gbinnaẹn, ivbi e Filistin kegha khian ya bannọ avbe orinmwi ukpọn viọ. Iran keghi miẹn ikun e Sọl kevbe ivbi ẹre eheha vbe oke Gilboa.