I Samuẹl 31:8 - Edo Bible (E Baibol Ẹdo) Version 1996

⁸ A ghi tie ẹre nodẹ ne a gbinnaẹn, ivbi e Filistin kegha khian ya bannọ avbe orinmwi ukpọn viọ. Iran keghi miẹn ikun e Sọl kevbe ivbi ẹre eheha vbe oke Gilboa.

I Samuẹl 31:8 ပူးပေါင်းရင်းမြစ်များ

II Samuẹl 1:20

Wa ghẹ ta ẹe sẹ Gat, ra idunmwu Askẹlọn. Wa ghẹ gie ikhuo e Filistia ya gha ghọghọ, wa ghẹ gie emọ ikhuo enimayayi ya gha gbe wee.

II Samuẹl 1:21

“Amẹ i ghẹ dọlegbe rhọ, ra ne evbu tuo vbe oke Gilboa, te otọ ẹre hia gha de ihoi rua. Rhunmwuda, evba asa iran ni din ne a fara ye. Ọtọn ma rhu asa ọghe Sọl.

I Krọnikol 10:8

Vbe ẹdẹ ne ọ lele ẹdẹ ne a khọn okuo na, ivbi e Filistin keghi ya gha fu emwi iran ne wulo viọ, iran keghi miẹn ikun e Sọl kevbe ọghe ivbi ẹre vbe uhunmwu Oke Gilboa.

II Krọnikol 20:25

E Jehosiafat kevbe ivbiyokuo ẹre kegha khian ya fu emwi viọ, obọ iran keghi vba ẹmila ni bun kevbe evbare kevbe ukpọn kevbe emwi ighobioye ọvbehe ni bun. Iran keghi ya ikpẹdẹ eha si emwi ne iran furu nii, sokpan, ehia bun sẹrriọ wẹ, iran ma sẹtin viọ emwi hia.

I Samuẹl 28:4

Ivbiyokuo e Filistin keghi si egbe koko, iran keghi bu agọ ye ẹvbo ne a tie ẹre Siunẹm; e Sọl keghi viọ ivbi Izrẹl, iran na ya bu agọ ye oke Gilboa.

I Samuẹl 31:7

Ivbi Izrẹl ni rre obọ nọkpa ọghe Iya Jezrẹl kevbe odẹ ahọ Ẹzẹ Jọdan ghi miẹn wẹ ivbiyokuo Izrẹl lẹkua kevbe, wẹ a gbele Sọl kevbe avbe ivbi ẹre, iran keghi sẹ ẹvbo iran rae, iran na lẹkua. Avbe ivbi e Filistin keghi rre iran na do yin avbe ẹvbo nii.

I Samuẹl 31:9

Iran keghi fian e Sọl uhunmwu, iran na viọ emwi igbinna rẹn, iran na ya ẹe gie emwa eso uhunmwu gha rrie Filistia ne iran ya ya ẹe na iyẹn oghọghọ ma avbe ẹbọ iran kevbe emwa iran.