I Samuẹl 31:6 - Edo Bible (E Baibol Ẹdo) Version 1996

⁶ Ẹre Sọl, ivbi ẹre eheha kevbe igbama nii, na wulo ẹdẹ nẹdẹrriọ.

I Samuẹl 31:6 ပူးပေါင်းရင်းမြစ်များ

II Samuẹl 1:1

E Sọl ghi wu nẹ, e Devid keghi ke ehe ne ọ na khọnmiotọ vbe uhunmwu ivbi Amalẹk gha dee, ọ keghi do gbe ikpẹdẹ eva vbe Ziklag.

II Samuẹl 1:12

Iran keghi viẹ, iran na vbe khiẹ, iran ma rri evbare rhinrin ya sẹ ota rhunmwuda e Sọl kevbe Jonatan kevbe ivbi Izrẹl, emwa Nọyaẹnmwa rhunmwuda, iran gbele ni bun vbe uwu iran an vbe okuo.

I Krọnikol 10:6

Erriọ ọ re a na miẹn wẹ e Sọl kevbe ivbi ẹre nikpia eheha ọ re ọ koko wulo, a ma ghi miẹn ne ọ rriọba vbe uniẹn ọnrẹn ọvbehe.

Giọgis 9:54

Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.

I Samuẹl 11:15

Ẹre iran hia na gha rrie Gilgal, evba nii, vbe ehe ne ọ huanrẹn, iran keghi ma e Sọl ọba. Iran keghi si isara, e Sọl kevbe ivbi Izrẹl keghi ghọghọ ye emwi ne ọ sunu na.

I Samuẹl 12:17

Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 12:25

Sokpan deghẹ te uwa ghi ye gha ru orukhọ khian, a gha fuẹn uwa kevbe ọba uwa aa.”

I Samuẹl 26:10

E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.

I Samuẹl 28:19

Ọ gha rhie uwẹ kevbe ivbi Izrẹl yan avbe Filistin obọ ẹdẹnakhuẹ. wẹ kevbe avbe ivbi uẹ gha deba mwẹ, e Nọyaẹnmwa gha vbe viọ ivbiyokuo Izrẹl yan avbe Filistin obọ.”

I Samuẹl 31:5

Igbama ni keghi miẹn wẹ e Sọl wu, rhunmwuda ọnii rẹn keghi vbe ziẹn egbe ẹre ye umozo irẹn, ọ na wu lele Sọl.

I Samuẹl 31:7

Ivbi Izrẹl ni rre obọ nọkpa ọghe Iya Jezrẹl kevbe odẹ ahọ Ẹzẹ Jọdan ghi miẹn wẹ ivbiyokuo Izrẹl lẹkua kevbe, wẹ a gbele Sọl kevbe avbe ivbi ẹre, iran keghi sẹ ẹvbo iran rae, iran na lẹkua. Avbe ivbi e Filistin keghi rre iran na do yin avbe ẹvbo nii.