I Samuẹl 31:5 - Edo Bible (E Baibol Ẹdo) Version 1996

⁵ Igbama ni keghi miẹn wẹ e Sọl wu, rhunmwuda ọnii rẹn keghi vbe ziẹn egbe ẹre ye umozo irẹn, ọ na wu lele Sọl.

I Samuẹl 31:5 ပူးပေါင်းရင်းမြစ်များ

I Ọba 16:18

E Zimri ghi miẹn wẹ iran khọn ẹvbo nii miotọ nẹ, ọ keghi wa gha rrie ẹgun ne ọ ke uwu ẹguae sẹ ehia, ọ na rhu erhẹn ye ẹguae, rẹn tobọ ẹre keghi wu ye uwu aranmwẹ erhẹn nii.

I Krọnikol 10:5

Igbama nii ghi miẹn ighẹ e Sọl wu, rẹn keghi vbe tobọ ẹre dee ye umozo ọghọe, ọ na wu.

Giọgis 9:54

Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.

I Samuẹl 31:6

Ẹre Sọl, ivbi ẹre eheha kevbe igbama nii, na wulo ẹdẹ nẹdẹrriọ.