I Samuẹl 31:2 - Edo Bible (E Baibol Ẹdo) Version 1996

² Ivbi e Filistin keghi khu e Sọl mu, iran gbele ivbi ẹre ighẹ Jonatan, Abinadab kevbe Malkisua.

I Samuẹl 31:2 ပူးပေါင်းရင်းမြစ်များ

II Samuẹl 1:6

Rẹn keghi wanniẹn wẹẹ, “Te I wa gheghe sẹ uhunmwu oke Gilboa. I keghi do miẹn e Sọl vbe ọ ya egbe gọ yan asoro ẹre, ikẹkẹ okuo kevbe iran ni hin ẹsin avbe eghian ghi ra wa vba ẹre fo.

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

I Krọnikol 10:2

Sokpan, ivbi e Filistin keghi khulo iran, obọ iran keghi vba iran, iran gbele eha vbe ivbi e Sọl. Ena kegha re Jonatan, Abinadab kevbe Malkisua

I Krọnikol 8:33

Nẹẹ ọ re ọ gha re erha e Kis, e Kis ọ re ọ biẹ e Sọl. Emọ ikpia enẹ ọ re Sọl gha mwẹ, ena ọ re Jonatan, Malkisua, Abinadab kevbe Esbal.

I Krọnikol 9:39

E Nẹ o gha re erha Kis, e Kis ọ gha re erha Sọl. Emọ enẹ e Sọl biẹlẹe: e Jonatan, e Malkisua, Abinadab kevbe Esbal.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

I Samuẹl 13:16

E Sọl, e Jonatan ne ovbi ẹre kevbe emwa rẹn, keghi gba mudia vbe Geba, vbe otọe Bẹnjamin, ivbi e Filistin keghi bu agọ ọghe iran ye Mikmas.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 14:22

Avbe ivbi Izrẹl ni te ka lẹre ye uhunmwu oke Ifreim keghi họn wẹ avbe e Filistin lẹ khian, iran keghi vbe rhie obọ ba iran, iran na ya yan ivbi e Filistin.

I Samuẹl 14:49

Ivbi E Sọl ne ikpia kegha re Jonatan, Isvi kevbe Nakisiua, ovbi ẹre ne okhuo ne ọdiọn kegha re Mẹrab, nekherhe kegha re Mikal.

I Samuẹl 23:17

E Jonatan keghi tama rẹn wẹẹ, “Ghe gie ohan mu ẹẹn, e Sọl ne erha mwẹ i ra sẹtin ru uẹ emwirhọkpa, U gha rriọba vbe Izrẹl, mẹ ghi gha re ne ọ zẹ diake uwẹ zẹ vbene erha mwẹ tobọ ẹre wa vbe rẹn ẹsẹse.”

I Samuẹl 28:19

Ọ gha rhie uwẹ kevbe ivbi Izrẹl yan avbe Filistin obọ ẹdẹnakhuẹ. wẹ kevbe avbe ivbi uẹ gha deba mwẹ, e Nọyaẹnmwa gha vbe viọ ivbiyokuo Izrẹl yan avbe Filistin obọ.”