I Samuẹl 31:1 - Edo Bible (E Baibol Ẹdo) Version 1996

¹ Avbe ivbi e Filistin kegha gu ivbi Izrẹl khọn vbe oke Gilboa. Iran keghi gbele ni bun vbe ivbi Izrẹl vbe evba, ni dekẹe keghi lẹ kua ya sẹ egbe ivbi e Sọl.

I Samuẹl 31:1 ပူးပေါင်းရင်းမြစ်များ

II Samuẹl 1:21

“Amẹ i ghẹ dọlegbe rhọ, ra ne evbu tuo vbe oke Gilboa, te otọ ẹre hia gha de ihoi rua. Rhunmwuda, evba asa iran ni din ne a fara ye. Ọtọn ma rhu asa ọghe Sọl.

II Samuẹl 1:6

Rẹn keghi wanniẹn wẹẹ, “Te I wa gheghe sẹ uhunmwu oke Gilboa. I keghi do miẹn e Sọl vbe ọ ya egbe gọ yan asoro ẹre, ikẹkẹ okuo kevbe iran ni hin ẹsin avbe eghian ghi ra wa vba ẹre fo.

II Samuẹl 4:4

E Jonatan ne ovbi e Sọl kegha mwẹ ọmọ, ne a tie ẹre Mẹfibosiẹt. Ẹghẹ ne ọ na rre ọmọ ukpo isẹn ọ re a na họn emwi ne ọ sunu vbe egbe Sọl kevbe Jonatan vbe ne iran ta ẹe ke Jezrẹl rre. Ọmwa ne ọ gha koko ẹe keghi wa tọn ẹn mu, ọ na lẹ sokpan, ehe ne ọ na khirhi khian ni, ọ keghi fe ẹre obọ degbe otọ, ọ re ọ na khian uke.

I Samuẹl 12:25

Sokpan deghẹ te uwa ghi ye gha ru orukhọ khian, a gha fuẹn uwa kevbe ọba uwa aa.”

I Samuẹl 28:1

Ọ ghi kpee fua kherhe, ivbi e Filistin keghi si ivbiyokuo iran koko ne iran ya gu Izrẹl khọn, ẹre Akis na tama Devid wẹẹ, “I yayi ghẹ u rẹnrẹn wẹ te uwẹ vbe emwa ruẹn ra lele mwẹ yo igbinna?”

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”

I Samuẹl 28:19

Ọ gha rhie uwẹ kevbe ivbi Izrẹl yan avbe Filistin obọ ẹdẹnakhuẹ. wẹ kevbe avbe ivbi uẹ gha deba mwẹ, e Nọyaẹnmwa gha vbe viọ ivbiyokuo Izrẹl yan avbe Filistin obọ.”

I Samuẹl 28:4

Ivbiyokuo e Filistin keghi si egbe koko, iran keghi bu agọ ye ẹvbo ne a tie ẹre Siunẹm; e Sọl keghi viọ ivbi Izrẹl, iran na ya bu agọ ye oke Gilboa.

I Samuẹl 29:1

Ivbi e Filistin keghi viọ ivbiyokuo iran gha die Afẹk, vbene ivbi Izrẹl na si agọ iran bu ye ovbi ẹzẹ ne ọ rre Iya Jezrẹl.