I Samuẹl 30:8 - Edo Bible (E Baibol Ẹdo) Version 1996

⁸ E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”

I Samuẹl 30:8 ပူးပေါင်းရင်းမြစ်များ

Gẹnẹsis 14:16

Iran keghi viọ emwi iran hia werriegbe. Ọ kevbe mu ọtiọnrẹn ighẹ Lọt werriegbe rre, kẹe kevbe emwi ẹnrẹn hia, kevbe avbe ikhuo kevbe avbe oghunmwu ọvbehe.

II Samuẹl 5:19

E Devid keghi nọ e Nọyaẹnmwa wẹẹ, “Ne I ya gu ivbi e Filistin gbinna ra? U gha rhie akhọnmiotọ mẹ ra?” E Nọyaẹnmwa keghi tama rẹn wẹẹ, “Gha khian, I gha rhie akhọnmiotọ nuẹn.”

II Samuẹl 5:23

E Devid keghi vbe dọlegbe nọ e Nọyaẹnmwa, ọ keghi tama rẹn wẹẹ, “Ghẹ ue ke emwa mu igbinna bu iran, sokpan, khian lẹga iran, ne u ya ke odẹ iyeke iran suẹn gu iran gha gbinna: vbe ọkpẹn erhan balsam.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.

Giọgis 8:4

E Gidiọn kevbe arhin eha ni gue ẹe, keghi do sẹ Jọdan, iran na fiaẹn rra. Egbe wọ iran nẹ, sokpan iran keghi ye gha khulo avbe eghian iran khian.

I Samuẹl 10:22

Iran keghi dọlegbe nọ e Nọyaẹnmwa wẹẹ, “Ọmwa ọvbehe yevbe rrọọ ra?” E Nọyaẹnmwa keghi wanniẹn iran wẹẹ, “E Sọl rre evba, ọ lẹre ye iyeke ehe ne a viọ ihẹ yi.”

I Samuẹl 14:37

Ẹre Sọl na nọ Osanobua wẹẹ, “Ne I dekun ivbi e Filistin ra? U gha gie ima khọnmiotọ ra?” Sokpan, Osanobua ma zẹ ẹmwẹ wanniẹn ẹdẹrriọ.

I Samuẹl 23:2

Rhunmwuda ọnii, rẹn keghi nọ e Nọyaẹnmwa wẹẹ, “Ne I ya gu ivbie Filistin gbinna ra?” E Nọyaẹnmwa keghi wanniẹn wẹẹ, “Ẹn gha khian ya gu iran gbinna ne u vbe miẹn Keila fan.”

I Samuẹl 23:4

Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.

I Samuẹl 30:18

E Devid keghi viọ emwa hia kevbe emwi hia ne ivbi Amẹlẹk te hẹ deba amwẹ irẹn eveva.

I Samuẹl 30:19

Emwi ọkpa ne ọ wiri i rrọọ. E Devid keghi viọ ivbi avbe emwa rẹn ne ikpia kevbe ne ikhuo werriegbe, deba emwi hia ne ivbi Amẹlẹk te hẹ.