I Samuẹl 30:4 - Edo Bible (E Baibol Ẹdo) Version 1996

⁴ E Devid kevbe emwa rẹn ke gbe eve ua, iran keghi viẹ viẹ viẹ a te do miẹn wẹ orhiọn ighi rre iran iwu hiehiere.

I Samuẹl 30:4 ပူးပေါင်းရင်းမြစ်များ

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Nọmbas 14:1

Vbe asọn nii hia, avbe emwa nii kegha viẹ eve orriara.

Nọmbas 14:39

E Mosis ghi tama ivbi Izrẹl vbene Nọyaẹnmwa kha hẹ, iran keghi wa khiẹ ẹsẹse.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

Giọgis 21:2

Ẹre ivbi Izrẹl na gha die Bẹtẹl. Iran keghi tota ye odaro Osanobua rhinrin ya sẹ ota. Iran kegha khiẹ ne aro dae vbe odẹ ne ọ rriara.

I Samuẹl 11:4

Emwa ne a gie ẹre uhunmwu ni keghi do sẹ Gibea, ẹvbo ne Sọl ye, iran keghi na iyẹn ma iran, ehia keghi gha viẹ rhunmwuda afianma ne ọ fian iran.

I Samuẹl 30:3

E Devid kevbe emwa rẹn ghi rre, iran ghi do ghe, a giẹn ẹvbo nii sotọ, amwẹ iran, ivbi iran ne ikpia kevbe ivbi iran ne ikhuo iran wa hẹ ehia kpao.

I Samuẹl 4:13

Elai keghi tota ye ọkpẹn odẹ vbe ehe ne ọ wa tota yi, ọ na gha ghe umọdia. Afianma keghi wa gha fian ẹn ba ẹmwẹ Ẹkpẹti osẹe ọghe Nọyaẹnmwa. Okpia nii ghi sẹ adesẹneva ẹvbo, ọ keghi na iyẹn, emwa hia kegha tulo rhunmwuda ohan mu iran.