I Samuẹl 30:26 - Edo Bible (E Baibol Ẹdo) Version 1996

²⁶ E Devid ghi dọlegbe sẹ Ziklag, ọ keghi viọ eso vbe emwi ne obọ ẹre vbare gie avbe esiọre, iran ne avbe ọkaolotu e Juda, ọ wẹẹ, “Wa ghe emwi ne I ya ha oko gie uwa vbe uwu avbe emwi ne ima gbe avbe eghian Nọyaẹnmwa miẹn iran re.”

I Samuẹl 30:26 ပူးပေါင်းရင်းမြစ်များ

Gẹnẹsis 33:11

Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.

II Samuẹl 1:1

E Sọl ghi wu nẹ, e Devid keghi ke ehe ne ọ na khọnmiotọ vbe uhunmwu ivbi Amalẹk gha dee, ọ keghi do gbe ikpẹdẹ eva vbe Ziklag.

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

II Kọrinti 9:5

Ọna ọre ọ ya mwẹ roro ẹe wẹ, emwi ne ọ kere nọ ne I wẹ ne avbe etẹn mwa na ke aro ne ima ne iran vbe mwamwa avbe emwi ne uwa wẹ wa ra ya ru ẹse ye otọ. Mẹ ghẹ ghi rre, I ghi do vba ighẹ emwi hia gba nẹ, ọnii ghi rhie maa wẹ, te uwa ru emwa ẹse rhunmwuda ighẹ uwa ho ighẹ ẹ i re ọghe rhurhugban.

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 25:27

Lahọ adazẹ, miẹn mwẹ emwi ne I viọ guẹ na ne u viọ ne emwa ruẹn.

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 30:20

Ọ keghi vbe viọ avbe ohuan kevbe ẹmila werriegbe, emwa rẹn keghi viọ avbe emwirri ni ke odaro, iran keghi kha wẹẹ, “Emwi e Devid e na khin!”

I Samuẹl 30:25

E Devid keghi mu emwi na yotọ zẹ vbe iyi, erriọ ọ re a ye ru ẹe vbe Izrẹl ke ẹghẹ ni gha dee.