I Samuẹl 30:23 - Edo Bible (E Baibol Ẹdo) Version 1996

²³ Sokpan, e Devid keghi wanniẹn wẹẹ, “Etẹn mwẹ, wa ru emwi ne Nọyaẹnmwa hẹ ni ma vberriọ! Rẹn ọ re ọ degue ima, ọ na gie ima khọnmiotọ vbe uhunmwu avbe iran ni khọn okuo viọ ọmwa emwi nii.

I Samuẹl 30:23 ပူးပေါင်းရင်းမြစ်များ

Gẹnẹsis 19:7

Ọ tama iran wẹẹ, “Wa ne ọse mwẹ, I rinmwian uwa, wa ghẹ ru emwi dan vberriọ!

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Diuteronomi 8:10

A gha miẹn egbe evbare ne uwa a rhirhi gha ho ne uwa re, wa ghi kpọnmwẹ Nọyaẹnmwa Osanobua rua ye otọe esiesi ne ọ mu ne uwa.

Diuteronomi 8:17

Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Giọgis 19:23

Sokpan, ediọnmwa ni tama iran wẹẹ, “Ẹ i re erriọ, wa ne ọse mwẹ! Wa lahọ, wa ghẹ zẹ iba ukẹkẹmwẹ vbe nian! Orhunmwuyẹn mwẹ ọ re okpia na khin!

I Samuẹl 2:7

Ọ gha si eso kẹ otọ, ọ ghi tọn eso mu.

I Samuẹl 30:22

Sokpan emwa oya ne ẹwobi eso ni lele Devid yo keghi kha wẹẹ, “Iran ma lele ima yo, rhunmwuda ọnii ma i ghae ne iran vbe emwi ne obọ ima vbare, iran sẹtin viọ amwẹ iran kevbe ivbi iran ne iran gha rrie.”

I Samuẹl 30:24

Ọmwa ne ọ ra ya obọ ye ne uwa tae nii, ẹ i rrọ! Te agbọn hia ra gba gha emwi: emwa ni tota ke evbare vbe owa keghi vbe ghae vbe emwi zẹ vbe emwa ni gha rrie okuo.”

I Samuẹl 30:8

E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”