I Samuẹl 30:22 - Edo Bible (E Baibol Ẹdo) Version 1996

²² Sokpan emwa oya ne ẹwobi eso ni lele Devid yo keghi kha wẹẹ, “Iran ma lele ima yo, rhunmwuda ọnii ma i ghae ne iran vbe emwi ne obọ ima vbare, iran sẹtin viọ amwẹ iran kevbe ivbi iran ne iran gha rrie.”

I Samuẹl 30:22 ပူးပေါင်းရင်းမြစ်များ

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Matiu 7:12

“Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Diuteronomi 13:13

Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

I Samuẹl 22:2

Emwa hia fẹẹrẹ ne a ghi zẹ ọre owẹ ra ne ọ defi osa ra ne ẹkun agbọn ma sẹ ọre otọ, keghi bu ẹre gha khian, rẹn kegha re ọkaolotu iran. Iran keghi re omwa ikpia uri eva (400).

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”

I Samuẹl 25:25

Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ọre gele wa nọ — akpa! I ma miẹn emwa ne u gie rre adazẹ.

I Samuẹl 30:21

Ẹre Devid na werriegbe bu arhin uri ne egbewọmwẹ ma gie iran sẹtin lele ẹe, iran na yakọ vbe obọ nọkpa ọghe ovbi ẹzẹ e Bezọ. Iran keghi khian bu e Devid kevbe emwa rẹn sẹ odẹ, e Devid keghi bu iran gha khian, ọ na tuẹ iran ẹsẹse.

I Samuẹl 30:23

Sokpan, e Devid keghi wanniẹn wẹẹ, “Etẹn mwẹ, wa ru emwi ne Nọyaẹnmwa hẹ ni ma vberriọ! Rẹn ọ re ọ degue ima, ọ na gie ima khọnmiotọ vbe uhunmwu avbe iran ni khọn okuo viọ ọmwa emwi nii.