I Samuẹl 30:16 - Edo Bible (E Baibol Ẹdo) Version 1996

¹⁶ Ọ keghi wa ma e Devid ehe ne iran ye. Iran ni khọn ke wa tagha gba ehe hia, iran gha re iran gha da ne iran ya do ugie emwi ọrhẹnrhẹn ne iran miẹn hẹ vbe Filistia kevbe Juda.

I Samuẹl 30:16 ပူးပေါင်းရင်းမြစ်များ

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

I Krọnikol 4:43

Iran keghi gbele ivbe Amalẹk ni ghi te kẹe vbe evba. Evba nii ọ re iran ghi ye ke ẹghẹ nii gha dee.

Job 20:5

a ma he miẹn ọmwa dan ọkpa ne egbe rọkhọe kpee vbotọ.

Psalm 119:162

U miẹn vbe ẹko rhiẹnrhiẹn mwẹ ye eyan ruẹn hẹ, ọ ye vbe ọyẹnmwẹ ne ọ sẹ ọmwa, ne ọ miẹn ako otọ emwi ighobioye nẹ, ne ọ lẹre.

Ẹksọdọs 32:6

Vbe owiẹ vbirrivbirri ẹdẹ ne ọ lele ẹe iran keghi gbele aranmwẹ ya zọ ese ne iran giẹn uan. Iran keghi vbe viọ aranmwẹ rre ne a ya zọ ese isara. Emwa nii keghi tota gha re gha da, ọ na keghi do khian ayọn ohọhọ kevbe iku okpia vbe okhuo.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Aizaia 9:3

Wẹ rhie oghọghọ nọkhua ne iran Nọyaẹnmwa; u ya ẹko iran gha rhiẹnrhiẹn iran ghọghọe ye iwinna ne u winnaẹn zẹ vbene emwa ghọghọ vbe iran a gha rhọ emwiorhọ ra vbe iran a gha ghae emwi ne iran gbinna ẹn viọ vbe okuo.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Giọgis 8:11

E Gidiọn keghi lele odẹ ne ọ rre ọkpẹn ato vbe odẹ ahọ ọghe Noba kevbe Jogbeha, ọ na dekun ivbi iyokuo nii vbe amaro amakọ.

I Samuẹl 30:14

Ẹvbo Kẹrit ọ re ima na ya khọn kevbe odẹ ekẹn ọghe Juda kevbe otọe ẹwae Kelẹb, ma keghi giẹn e Ziklag sẹ otọ.”

I Samuẹl 30:15

E Devid keghi nọ rẹn wẹẹ, “U gha ya ma mwẹ ehe ne iran ni khọn okuo na ye ra?” Rẹn keghi wanniẹn wẹẹ, “I gha yọ adeghẹ u ya eni Osanobua yan ma mwẹ u i ra gbe mwẹ uan ra ne u dọlegbe rhie mwẹ ne arowa mwẹ.”