I Samuẹl 30:12 - Edo Bible (E Baibol Ẹdo) Version 1996

¹² Ọmọ ohọ ne a ka re deba ititi eva ọghe ọmọ erhan ọvbehe ne avbe kae hin rre. Ọ ghi rri evbare nẹ, orhiọn keghi la ẹre iwu. Ọ ma te re ọ ma da vbe ikpẹdẹ eha fẹẹrẹ.

I Samuẹl 30:12 ပူးပေါင်းရင်းမြစ်များ

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Eve Orriara 1:11

Emwa rẹn kegha khiẹkhiẹ egbe vbe iran gualọ evbare ne iran gha re; iran ya emwi ẹfe iran rọ evbare ne iran ya da orhiọn yi ye agbọn. Ore ẹvbo keghi datu wẹẹ, “E Nọyaẹnmwa u ghe mwẹ, u ghe usẹ ne I ye.”

Jona 1:17

E Nọyaẹnmwa keghi gie ehẹn nọkhua, ọ na mi e Jona re, ọ keghi gha rre uwu ehẹn ni vbe avan eha kevbe asọn eha.

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Giọgis 15:19

Ẹre Osanobua na rhan ugboghodo ọkpa vbe otọ vbe Lẹhi vbe evba, amẹ keghi vẹ ladian vbọ. E Samsin keghi wọn, egbe na do gha ye ẹe ẹse. Ẹre iran na ghi gha tie ovbi ẹzẹ ni Hakọ; te ọ ye rre Lẹhi sẹ ẹdẹ nẹrẹ na.

I Samuẹl 14:27

Sokpan, e Jonatan ma họn vbe erhae tie ihẹn yọ ma emwa nii: rẹn keghi niẹn ọkpọ ne ọ gue ẹe vbe obọ, ọ na dinmwi ẹẹn ye uwu oko owọn, ọ keghi re vbe owọn nii. Ọwarọkpa nii, egbe keghi sasa ẹe sẹ ayọ.

I Samuẹl 30:11

Emwa ni gu e Devid ghi miẹn ovbi Igipt ọkpa nokpia vbe uwu oha, iran na rhie ẹre bu e Devid, iran na mu amẹ nẹ deba evbare.

I Samuẹl 30:13

E Devid keghi nọ rẹn wẹẹ, “Gha ọ re arowa a, vbe u a a kere?” Rẹn keghi wanniẹn wẹẹ, “Ovbi Igipt ọ re I khin, ọviẹn ovbi Amẹlẹk ọkpa, I ghi suẹn gha khuọnmwi nẹghẹdia ọ re arowa mwẹ na kpao sẹ mwẹ rae.