I Samuẹl 30:1 - Edo Bible (E Baibol Ẹdo) Version 1996

¹ E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ.

I Samuẹl 30:1 ပူးပေါင်းရင်းမြစ်များ

Gẹnẹsis 24:62

Aizik kegha die ato ọghe “Uhae-ọmwa-nọrrọọ ne ọ bẹghe mwẹ” ne ọ rre odẹ ekẹn e Kenan.

II Samuẹl 1:1

E Sọl ghi wu nẹ, e Devid keghi ke ehe ne ọ na khọnmiotọ vbe uhunmwu ivbi Amalẹk gha dee, ọ keghi do gbe ikpẹdẹ eva vbe Ziklag.

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 1:8

Rẹn keghi nọ mwẹ ọmwa ne I khin, I keghi tama rẹn wẹ ovbi Amalẹk ọre I khin.

II Samuẹl 15:18

Avbe ekhaẹmwẹ ọnrẹn keghi mudia ke ẹe, avbe emwa Kerẹt kevbe Pẹlẹt keghi ke odaro gberra gha khian. Avbe iyokuo uri eha (600) ni lele ẹe ke Gat rre, kevbe gberra,

I Krọnikol 12:21

Iran kegha winna ne Devid vbe ukpo olotu ivbiyokuo ẹre rhunmwuda, ivbiyokuo ni hin usi ọre iran hia gha khin. Okiekie, iran kevbe gha re ekaolotu vbe ivbiyokuo Izrẹl.

I Krọnikol 12:22

Uhin ighẹ ẹdẹgbegbe ọre emwa ya gha deba ivbiyokuo e Devid, sẹrriọ wẹ vbe ọma ghi he kpẹe, ivbiyokuo ẹre keghi khian ọrhẹnrhẹn.

Jerimaia 41:12

Iran keghi rhunmwuda ọnii viọ emwa iran, iran khu ẹe, obọ iran keghi vba ẹre vbe ọkpẹn ọghọdọ nọkhua ne ọ rre Gibiọn.

Jọsua 11:6

E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”

Jọsua 15:31

Ziklag, Madmana Sansanna,

I Samuẹl 15:7

E Sọl keghi khọn ivbi Amalẹk mu otọ ke Havila kpao ya sẹ Siọ vbe ọlarre owẹn Igipt.

I Samuẹl 15:8

Ọ keghi mu Agag ne ọba oghunmwu ke ẹe kevbe ẹmwẹ ne unu. Sokpan ọ keghi gbele emwa nekpa hia a.

I Samuẹl 27:6

Ẹre Akis na mu Ziklag ne ẹẹn. Ọna ọ re ọ sii ẹe ne a na miẹn wẹ avbe ọba Juda ọ re ọ yan Ziklag ke ẹghẹ nii gha dee.

I Samuẹl 29:10

Rhunmwuda ọnii nian, e Devid, owiẹ ne akhuẹ, wa hia ni lẹ sẹ e Sọl rae bu mwẹ gha dee, wa ghi kpaegbe vbe owiẹ fioo ne uwa gha rrie vbe ẹdẹ a da wan.”

I Samuẹl 29:11

Ẹre Devid kevbe emwa rẹn na kpao vbe owiẹ vbirrivbirri vbe ẹdẹ ne ọ lele ẹe, iran na dọlegbe gha rrie Filistin. Ivbi e Filistin kegha rrie Jezrẹl.

I Samuẹl 29:4

Sokpan, ohu Akis keghi mu avbe ivbiyokuo e Filistin, iran tama rẹn wẹẹ, “Wẹ ne ọmwa nii werriegbe gha rrie ẹvbo ne u mu ne ẹẹn. Ghẹ gie ẹe lele ima yo okuo, rhunmwuda, ọ gha sẹ ẹghẹ igbinna, ọ sẹtin fiwerriẹ mu aro da ima. De emwi ne ọ maa sẹ ne ọ gha ya dẹ aro nọ maa vbe obọ arowa ẹre gberra ne ọ gbele emwa ima?

I Samuẹl 30:14

Ẹvbo Kẹrit ọ re ima na ya khọn kevbe odẹ ekẹn ọghe Juda kevbe otọe ẹwae Kelẹb, ma keghi giẹn e Ziklag sẹ otọ.”