I Samuẹl 3:9 - Edo Bible (E Baibol Ẹdo) Version 1996

⁹ Rẹn keghi rhunmwuda ọnii tama rẹn wẹẹ, “Ya dọlegbe lovbiẹ, ọ gha ye dọlegbe tie ruẹ, u ghi kha wẹẹ, ‘Gha guan e Nọyaẹnmwa, ọguọmwadia ruẹ danmwehọ.’ ” Ẹre Samuẹl na werriegbe ya lovbiẹ.

I Samuẹl 3:9 ပူးပေါင်းရင်းမြစ်များ

Psalm 85:8

I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:8

E Nọyaẹnmwa keghi dọlegbe tie Samuẹl ukpogieha, rẹn guakpao, ọ bu Elai, ọ tama tẹn wẹẹ, “Ẹ i re te u tie mwẹ, ghe mwẹ.” Ẹghẹ nii ọ re Elai na do rẹn wẹ, e Nọyaẹnmwa ọ re ọ tie ọmọ na.