I Samuẹl 3:4 - Edo Bible (E Baibol Ẹdo) Version 1996

⁴ E Nọyaẹnmwa keghi tie Samuẹl, rẹn keghi khuẹnniẹn wẹẹ: “Ghe mwẹ evbavba!”

I Samuẹl 3:4 ပူးပေါင်းရင်းမြစ်များ

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 3:4

E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Iwinna 9:4

Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

I Samuẹl 3:5

Ẹ i re te u tie mwẹ, “Sokpan Elai wanniẹn wẹẹ, I ma tie ruẹ ovbi mwẹ, gha khian ya lovbiẹ.” Ẹre Samuẹl na ya dọlegbe lovbiẹ.