I Samuẹl 3:3 - Edo Bible (E Baibol Ẹdo) Version 1996

³ E Samuẹl keghi vbe gha vbiẹ vbe uwu Ogiukpo, ehe ne Ẹkpẹti Ile ọghe Osanobua ye. Ukpa ne ọ rre evba ke ye gha baa.

I Samuẹl 3:3 ပူးပေါင်းရင်းမြစ်များ

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 29:9

Urhu e Nọyaẹnmwa rueghe okan ọ kevbe bọnmwẹ ẹbe hin erhan nii rre. Vbene emwa ni rre Ọgua Osa ẹre na go kha wẹẹ, “Uyi nọ ne Osanobua.”

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Ẹksọdọs 25:31

“Ya igoru ne ama gua ru erhan ọmukpa, u ghi ya igoru ne a ya umọmọ dunmwu ru ẹzi ẹre kevbe erhan rẹn; avbe obobo ne a ya zẹ ose yọ, deba ukhu kevbe ifuẹn obobo ẹre, ehia ghi wa gha re erhan ọkpa deba irẹn.

I Samuẹl 1:6

E Penina ne ogieva ẹre ghigha gbe igiogio ku ọre, ọ ghi gha yaghae rhunmwuda wẹ, e Nọyaẹnmwa ma rhie ọmọ ne ẹẹn biẹ.

I Samuẹl 1:9

Ọ ghi sẹ ẹghẹ ọkpa vbe Siailo, vbe iran ghi rri evbare nẹ, e Hanna keghi kpaegbe. Elai ne ohẹn keghi tota ye ihe ọkpẹn onurho Ọgua Osa e Nọyaẹnmwa. Iro keghi wa han Hanna, ọ na viẹ eve orriara vbe ehe ne ọ na na erhunmwu ghe Nọyaẹnmwa.