I Samuẹl 3:21 - Edo Bible (E Baibol Ẹdo) Version 1996

²¹ E Nọyaẹnmwa keghi wa gha rhie egbe maa vbe Silo, ehe ne ọ na rhie egbe ma Samuẹl, ọ na vbe guẹe guan, Izrẹl hia ghi wa gha rhie ẹmwẹ ọnrẹn.

I Samuẹl 3:21 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Diuteronomi 29:10

“Ẹdẹnẹrẹ na nian, odaro e Nọyaẹnmwa Osanobua rua ọ re uwa mudia yi — wa hia fẹẹrẹ — avbe ọkaolotu kevbe ekhaẹmwẹ uwa, ikpia uwa.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:4

E Nọyaẹnmwa keghi tie Samuẹl, rẹn keghi khuẹnniẹn wẹẹ: “Ghe mwẹ evbavba!”

I Samuẹl 9:15

Vbe a tie ẹre akhuẹ e Sọl khian rre, e Nọyaẹnmwa keghi tama Samuẹl wẹẹ,