I Samuẹl 3:2 - Edo Bible (E Baibol Ẹdo) Version 1996

² Ọ ghi sẹ asọn ọkpa, Elai ne aro ẹre sa oze nẹ vbe ẹghẹ na kegha vbiẹ vbe ughugha ẹre:

I Samuẹl 3:2 ပူးပေါင်းရင်းမြစ်များ

Gẹnẹsis 27:1

Aizik ghi khian ọmaẹn nẹ, ẹi ghi dẹghe. Ọ keghi gie ne a tie Isọ ovbi ẹre nokpia nọdiọn, ọ keghi tama rẹn wẹẹ, “Ovbi mwẹ!” Rẹn keghi wanniẹn wẹẹ, “Ghe mwẹ.”

Gẹnẹsis 48:10

Te aro Izrẹl ghi ghe vbirrivbirri rhunmwuda ne ọ na khian ọmaẹn, ẹ i ghi bẹghe ẹse. E Josẹf keghi viọ emọ ni bu ẹre rre, rẹn keghi gba iran ginna egbe, ọ na ye unu soso iran unu.

Gẹnẹsis 48:19

Erha ẹe keghi he, ọ wẹẹ, “I rẹnrẹn ovbi mwẹ, I rẹnrẹn ivbi uniẹn Manasẹ gha vbe khian okpẹvbo, sokpan ọtiọnrẹn nekherhe gha kpọlọ sẹ ọre, ivbi uniẹn ọnrẹn gha vbe khian ẹvbo ni kpọlọ.”

I Ọba 14:4

Ẹre irẹn na gele gha rrie owa Ahija vbe Silo. Ahija ẹ i ghi bẹghe rhunmwuda vbene ọ khian ọmaẹn sẹ.

Psalm 90:10

Ukpo ekigbesiyenẹ ọre ima mwẹ, deghẹ ma wegbe ọ ghi sẹ iyenẹ Sevba, akhiẹ kevbe ibaro ẹre iran rhie gie ọmwa; vbe ọ ma he kpẹe, ẹdagbọn mwa gberra, ma ghi gha rriẹ.

Asan-Ibo 12:3

Ẹghẹ nii avbe ekuabọ ne u te ya wan ga egbe, ghi gha mian gbẹghẹgbẹghẹ, kevbe owẹ ruẹ ni he wegbe na, ghi do khian ne ẹ i ghi guọ otọ. Akọn ni rre unu ghi do ye zaghazagha, sẹrriọ wẹ u i ghi sẹtin lue evbare ruẹ, aro ruẹ ghi khian ne ọ ghi ghe emwi vbirrivbirri.

I Samuẹl 2:22

Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.

I Samuẹl 4:15

(Ẹghẹ na, ukpo eva irrọvbiyisẹn ọ re Elai ghi ye, aro ẹre wa vbe rhu fo nẹ.)