I Samuẹl 3:19 - Edo Bible (E Baibol Ẹdo) Version 1996

¹⁹ E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.

I Samuẹl 3:19 ပူးပေါင်းရင်းမြစ်များ

Gẹnẹsis 21:22

Ọ ghi sẹ, Abimẹlẹk na rhie Fikọl ne ọkaokuo ẹre ba egbe bu Ebraham gha khian, ọ wẹẹ, “Osanobua wa yaba ruẹ vbe emwi ne u ru hia.

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

Gẹnẹsis 39:2

E Nọyaẹnmwa keghi mudia ne Josẹf, ọ na ye emwi hia gha maa nẹẹn. Rẹn kegha rre owa arowa ẹre ne ọmwa Igipt nii.

Gẹnẹsis 39:3

Arowa ẹre keghi miẹn wẹ e Nọyaẹnmwa mudia ne Josẹf kevbe wẹ Nọyaẹnmwa gie emwi ne ọ ru hia gha dinna odẹ.

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

II Ọba 10:10

Ọna rhie maa wẹ emwi ne Nọyaẹnmwa ta ẹe vbe ekpa ivbi Ehab hia, gha gele sẹ. Emwi ne Nọyaẹnmwa la unu Elaija ne akhasẹ yan ọ re ọ ru na.”

II Ọba 15:12

Erriọ ọ re eyan ne Nọyaẹnmwa yan ma e Jehu na do sẹ wẹẹ, “Ivbi uẹ gha rriọba vbe Izrẹl ya sẹ orre ne ogienẹ.”

II Ọba 22:16

Ne iran tama rẹn wẹ uhunmwu ne Nọyaẹnmwa gie ọ re ọna khin wẹẹ, “I gha rria e Jerusalẹm kevbe emwa hia ni rrọọ ikhi zẹ vbene a gbẹn ye ebe nii ne ọba tiere.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Iyẹn ne ọ Maan Ọghe Luk 1:28

Odibosa keghi bu ẹre gha dee, ọ tama rẹn wẹẹ, “Ọfumwegbe nọ nuẹn. Nọyaẹnmwa yaba ruẹ, ọ vbe fiangbe uẹ ẹsẹse.”

Iyẹn ne ọ Maan Ọghe Luk 1:80

Ọmọ nii keghi gha wan yiọ vbe egbe kevbe orhiọn, ọ na gha rre uwu ato, ọ te do sẹ ẹghẹ ne ọ gha na ye egbe ne ivbi Izrẹl miẹn vbe azagba.

Iyẹn ne ọ Maan Ọghe Luk 2:40

Ọmọ ni keghi wan, ọ keghi vbe wo vbe egbe, ọ vuọn ne ẹwaẹn, afiangbe Osanobua kegha gu ẹe rrọọ.

Iyẹn ne ọ Maan Ọghe Luk 2:52

Jesu kegha wan vbe ikinnegbe kevbe ẹwaẹn, ẹmwẹ ọnrẹn kegha yẹ Osanobua kevbe emwa ne agbọn.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Diuteronomi 18:22

A deghẹ akhasẹ ya eni e Nọyaẹnmwa guan ighẹ ẹmwẹ ne ọ ta ẹe ma sẹ, a ghi rẹn ighẹ ẹ i re Nọyaẹnmwa ọ re ọ gie ẹe. Akhasẹ ni ẹmwẹ obọ ẹre ọ re ọ ta ẹe, wa ghẹ gha mu ohan rẹn.”

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Jọsua 21:45

E Nọyaẹnmwa keghi mu eyan esiesi ne ọ yan ma ivbi Izrẹl hia sẹ.

Giọgis 13:24

Okhuo nii keghi biẹ ọmọ okpia, ọ na gha tie ẹre Samsin. Ọmọ nii keghi wan, e Nọyaẹnmwa na fiangbe ẹe.

I Samuẹl 10:7

Emwi na ghẹ ghi sunu, u ghi ru vbe ne Osanobua rhie ye uẹ ekhọe.

I Samuẹl 12:2

Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 18:12

Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 18:14

ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.

I Samuẹl 18:5

E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.

I Samuẹl 2:21

E Nọyaẹnmwa keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmọ okpia nii ighẹ Samuẹl keghi wan vbe uwu ugamwẹ e Nọyaẹnmwa.

I Samuẹl 2:26

Ẹre ọmọ okpia nii ighẹ e Samuẹl na gha wan yọ, aro ne ọ maa ọghe Nọyaẹnmwa kevbe emwa nagbọn, kegha rre ọre egbe.

I Samuẹl 9:6

Ọkpọmwa nii keghi wanniẹn wẹẹ, “Mudia nẹ o! Okpia nọwanrẹn ọkpa rre ẹvbo na, te emwa hia wa ya ọghọ ne ẹẹn, rhunmwuda, ẹmwẹ ne ọ rhirhi ta, te ọ gha sunu. Gie ima bu ẹre, u gha ghe, ọ gha sẹtin tama ima ehe ne ima gha na miẹn ẹsin na.”