I Samuẹl 3:17 - Edo Bible (E Baibol Ẹdo) Version 1996

¹⁷ Elai keghi nọ rẹn wẹẹ, “De emwi ne Nọyaẹnmwa tama ruẹn? Ghe rhie emwi rhọkpa lẹre mẹ. Osanobua gha ya obọ ne ọtọn mu ẹẹn a deghẹ u ma ta emwi ne ọ ta ẹe ma mwẹ.”

I Samuẹl 3:17 ပူးပေါင်းရင်းမြစ်များ

II Samuẹl 14:18

Ọba keghi wanniẹn wẹẹ, “I khian nọ ruẹn ọta ọkpa, u ghi ta ẹmwata ne ọ rrọọ hia ma mwẹ.” Okhuo nii keghi wanniẹn wẹẹ, “Nọ mwẹ ọta ne ọ rhirhi khọn ruẹn, Umogun.”

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 3:35

Emwa nii keghi te gha rherhe e Devid wẹ ne ọ rri evbare vbe ẹdẹ te mu ẹdẹrriọ, sokpan rẹn keghi yan wẹẹ, “Te Osanobua gha kinmwi mwẹ gbua a deghẹ I ya unu kan evbare ẹdẹ te mu ẹrẹna.”

II Samuẹl 3:9

E Nọyaẹnmwa yan ma e Devid wẹ rẹn gha mu arriọba hin obọ e Sọl kevbe uniẹn ọnrẹn hia rre, rẹn ghi ma e Devid ọba Izrẹl kevbe ọghe Juda la ehe ne otọe nii sẹe, ehe ne ọ rhanmwẹ. Banbanna nian, te Osanobua gha kinmwi mwẹ gbe ua, a deghẹ I ma ru ẹe ne ọ gele do sẹ vberriọ!”

I Ọba 22:16

Sokpan, Ehab keghi kha wẹẹ, “Inu igba I gha tama ruẹn yi wẹ ẹmwata ọkpa ọ re u gha ye eni Nọyaẹnmwa tama mwẹ?”

II Ọba 6:31

Ọ keghi datu wẹẹ, “Te Osanobua gha kinmwi mwẹ gbe ua a deghẹ I ma fian Elaisia uhunmwu fua ẹdẹ te mu ẹrẹna.”

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Jerimaia 38:14

Ọ ghi vbe sẹ ẹghẹ ọvbehe, e Zedekaia ne ọba keghi giee ne a tie mwẹ gha die onurho Ọgua Osa ne ogieha ọ keghi tama mwẹ wẹẹ, “I ho ne I nọ ruẹn ota okpa, u ghi wa ta ẹmwata ne ọ rrọ ma mwẹ.”

Jerimaia 42:4

Mẹ keghi wanniẹn wẹẹ, “Ọ wa maa ẹsẹse, I gha na erhunmwu ghe Nọyaẹnmwa Osanobua, vbene uwa nọrẹn, emwi ne ọ rhirhi ghi vbe ta, I gha tama uwa. I i ra vbe rhie emwiọkpa lẹre ne uwa.”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Maika 2:7

Te uwẹ ro ighe te a fi ivbi Izrẹl unu ra? E Nọyaẹnmwa i ghi sẹtin ziengbe ra? Rẹn gha gele ru egbe emwi vberriọ ra? E i ghi gu iran ni ru emwi esi guan rọkhọrọkhọ ra?”

Nọmbas 23:17

Ọ re ọ na werriegbe, ọ keghi do vba e Balak vbe ọ ye mudia ke ese na giẹn uan ọghe ọe ke ẹe kevbe avbe ọkaolotu ivbi e Moab. E Balak keghi nọ rẹn vbene Nọyaẹnmwa kha hẹ,

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Ebe Rut 1:17

Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”

I Samuẹl 14:44

E Sọl keghi tama rẹn wẹẹ, “Te Osanobua gha kinmwi mwẹ gbe ua ẹrẹna, a deghẹ a ma gbe ua.”

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!

I Samuẹl 25:22

Te Osanobua gha kinmwi mwẹ gbe ua a deghẹ ima gbele emwa rẹn hia ne ọ ghẹ ghi ke ẹe vbọ ọ te sẹ owiẹ!”

I Samuẹl 3:16

Elai keghi tie ẹre wẹẹ, “Samuẹl ne ovbi mwẹ,” Rẹn keghi wanniẹn wẹẹ, “Ghe mwẹ enọwanrẹn.”