I Samuẹl 3:15 - Edo Bible (E Baibol Ẹdo) Version 1996

¹⁵ E Samuẹl keghi lovbiẹ ye ukpo ẹre rhinrin ya sẹ owiẹ, ọ keghi kpaegbe ọ na ya kie urho ọgua Osa. Ohan ma gie ẹe ta umian nii ma Elai.

I Samuẹl 3:15 ပူးပေါင်းရင်းမြစ်များ

I Krọnikol 15:23

A keghi zẹlẹe Berakia kevbe Ẹlkana deba Obẹd Idọm kevbe Jehaia ne iran gha khẹ Ẹkpẹti Ile. A keghi zẹlẹ avbe ohẹn ighẹ e Siebanaia, e Josiafat, Netanẹl, Amasai, e Zẹkaraia, e Benaia kevbe Eliezẹ ne iran gha kpe okpe vbe odaro Ẹkpẹti Ile.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

I Samuẹl 1:9

Ọ ghi sẹ ẹghẹ ọkpa vbe Siailo, vbe iran ghi rri evbare nẹ, e Hanna keghi kpaegbe. Elai ne ohẹn keghi tota ye ihe ọkpẹn onurho Ọgua Osa e Nọyaẹnmwa. Iro keghi wa han Hanna, ọ na viẹ eve orriara vbe ehe ne ọ na na erhunmwu ghe Nọyaẹnmwa.

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:16

Elai keghi tie ẹre wẹẹ, “Samuẹl ne ovbi mwẹ,” Rẹn keghi wanniẹn wẹẹ, “Ghe mwẹ enọwanrẹn.”