I Samuẹl 3:14 - Edo Bible (E Baibol Ẹdo) Version 1996

¹⁴ Rhunmwuda ọnii, I keghi tua unu mu ẹẹn tama ẹgbẹe Elai wẹẹ, izọese ra izẹọhẹ ọkpa ne ọ gha sẹtin khian emwi ne ọ ra ke orukhọ dan na ikian hin rre, ẹ i rrọọ.”

I Samuẹl 3:14 ပူးပေါင်းရင်းမြစ်များ

Psalm 51:16

Wẹ i gualọ ese, te I gha te zọ ghe ruẹ. Ẹko ruẹ i vbe rhiẹnrhiẹn ye ese ne a giẹn uan.

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Levitikọs 15:31

E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.